老川皇

營業中

休息中

濕濕立立嘅春天潮濕日子，要搵返啲辣嘢食去一去濕！ 見呢間川菜小店有午市午餐$45~$55, 睇落都好抵， 就入去試下。睇食評好多人都推介食酸菜魚， 梗係要試下啦！ 原來呢度有得揀辣度，我食開譚仔小至中辣， 今日係呢度我就叫咗個中辣。 未食魚先試湯， 酸得黎味道帶有一分清甜。 魚嘅分量好多， 魚肉滑身， 魚骨亦唔係好多， 冇乜細骨，仲有鹹酸菜向底。 如果兩個女仔唔太大食，基本上一個餐都好夠飽， 因為個餐仲有粉、麵或飯， 任你揀。 呢個好味，真係冇推介錯！我哋另外仲叫咗個水煮田雞， 呢度既水煮汁底比較杰身。田雞肉好嫩滑，下面嘅大豆芽菜吸曬汁嘅味道， 辣到我 si si sir sir 呢度另一樣重點推介就係串燒， 可惜只係晚市供應， 今日食唔到！ 下次我一定要嚟食串燒！