咖啡灣 (粉嶺中心) (已結業)

喺粉嶺要搵間似樣嘅Cafe都唔容易，估唔到近火車站都有一間咖啡灣，環境都幾舒服。首先，我哋叫咗個黑松露忌廉湯，因為我實在太肚餓，個湯一到我已經覺得勁香，超重黑松露味，好飲。之後嚟咗個軟殼蟹黑松露意粉，都幾濃味，軟殼蟹好香口，$98 ，超值！我男朋友叫咗個all day，好豐富。加$15仲可以飲杯鮮奶咖啡。由於佢係比糖水你自己落，所以甜味可以自己控制。最後，必定要提一提佢個炸雞。好脆，炸雞嘅外層有香甜嘅蜜糖味，雞又夠嫩滑，一流！食咗咁多嘢都係$400有找，仲可以有free parking添，超抵。