SENSU (新城市廣場三期) (已結業)

星期六晚上的新城市廣場間餐廳都排長龍，呢間竟然冇。朋友話想試下，三條友便入去食晚餐。款式都不少，但手機落單個介面好奇怪，唔係跟食物嘅種類去分類，全部撈埋一齊。食物好快就黎到，首先叫咗一個炸淮山，望落去同薯條冇分別，而且一個脆皮亦都做得好好，不過咁樣返去切嘅淮山就會食到一絲絲嘅根，如果佢造成一粒粒嘅話可能更方便食，不過係好好味嘅。至於個燒魷魚筒，好味，但係更加驚喜嘅係佢伴菜的Wasabi薯蓉。將魷魚筒同埋薯蓉加埋佢嘅七味粉一齊擺入口，好有層次也香口。燒春雞冇乜特別，佢旁邊嗰幾舊番薯就好好味，而佢嘅沙律亦都做得好有誠意，特別係啲藜麥冇咗平時我哋自己煮嗰陣味。 見到隔籬枱叫嗰啲特色飲品都好吸引，不過今次就冇叫。至於個意大利飯，上面插着嗰幾塊芝士又香又脆又好味，個意大利飯仲可以拉絲。推介呀！