影片
更多
2009-07-11
6 瀏覽
星期日, 活動範圍去到荃灣, 多心的我諗住可以試多幾樣野食, 所以選擇了和民.七點三去到, 門口祇有幾個人等位, 所以好快就有位, 等到七點九, 才見佢姍姍來遲, 兩人快速點好食物. 叫了: 地獄餃子, 厚燒餅, 一客北極貝沙律壽司, 一客海膽, 滑蛋雞柳飯, 見到松露珍寶帶子壽司做緊推廣, 加一元多一件, 所以亦叫了二客.最先上場的是壽司, 帶子壽司睇落幾吸引, 但食落口就發覺完全無帶子味, 而且毫無口感可言, 海膽唔夠新鮮, 北極貝沙律壽司外面塊紫菜散開了, 總言之壽司呢一環失敗.滑蛋雞柳飯的滑蛋完全唔滑, 而且飯好濕, 食落口根本無味, 好難食再來的厚燒餅先至最令人跌眼鏡, 因之前係和x食過覺得好好味而點, 點知呢間的成個餅都係粉, 一客有四件, 我地食左一件巳停手, 無人再願食.再來的地獄餃子, 食左一件覺得入面的肉味道好怪, 所以唔肯再食第二件.食物難食當然不至於令人驚嚇, 至於如何個驚嚇法, 且聽我慢慢道來, 話說當我們進食期間, 隔離二人座有個女人入座, 女侍應奉上熱茶, 點知可能心急得滯, 茶杯於托盤中倒瀉, 熱茶倒向個女人身上, 耳邊巳響起個女人尖叫聲兼見佢同時間彈起
七點三去到, 門口祇有幾個人等位, 所以好快就有位, 等到七點九, 才見佢姍姍來遲, 兩人快速點好食物. 叫了: 地獄餃子, 厚燒餅, 一客北極貝沙律壽司, 一客海膽, 滑蛋雞柳飯, 見到松露珍寶帶子壽司做緊推廣, 加一元多一件, 所以亦叫了二客.
最先上場的是壽司, 帶子壽司睇落幾吸引, 但食落口就發覺完全無帶子味, 而且毫無口感可言, 海膽唔夠新鮮, 北極貝沙律壽司外面塊紫菜散開了, 總言之壽司呢一環失敗.
滑蛋雞柳飯的滑蛋完全唔滑, 而且飯好濕, 食落口根本無味, 好難食
再來的厚燒餅先至最令人跌眼鏡, 因之前係和x食過覺得好好味而點, 點知呢間的成個餅都係粉, 一客有四件, 我地食左一件巳停手, 無人再願食.
再來的地獄餃子, 食左一件覺得入面的肉味道好怪, 所以唔肯再食第二件.
食物難食當然不至於令人驚嚇, 至於如何個驚嚇法, 且聽我慢慢道來, 話說當我們進食期間, 隔離二人座有個女人入座, 女侍應奉上熱茶, 點知可能心急得滯, 茶杯於托盤中倒瀉, 熱茶倒向個女人身上, 耳邊巳響起個女人尖叫聲兼見佢同時間彈起身, 有個經理即刻衝出來道歉並帶個女人往另一邊座位, 呢邊剛剛清理好現場, 前二張枱位, 又有個女侍應唔小心將剛收回的脏碟成堆倒向地下, 成間餐廳即刻響起乒乒乓乓的交響曲我們二人互望一眼, 好有默契的加快食野速度, 因為同時間又見另一侍應趕去另一張枱收拾殘局, 只因那邊又唔小心倒瀉水, 唉, 都係快的離開現場好過, 因為唔知意外幾時會降臨我們身上.
食物難食, 侍應雞手鴨腳, 兼且毫無服務可言, 由我地坐底倒過一次茶後, 無人再添過.
相信好難令我們再踏足.
張貼