影片
更多
2024-08-22
159 瀏覽
屋企人話呢間日本嘢幾好食，我試完即拍枱：呢啲叫「幾好食」咩？呢啲叫 好 好 食！我短時間內去咗四次！第一次去，午市叫個鰻魚飯，諗住最穩陣。老闆介紹呢間餐廳個鰻魚飯有三種食法：（一）普通鰻魚飯同鰻魚汁、（二）加蔥、紫菜同芥末、（三）加埋茶做茶漬飯。（一） 鰻魚熱辣辣，好軟熟，就咁已經好好食。（二）加埋蔥同芥末，完全衝擊我味蕾！係一個想像唔到嘅味道！化解咗香濃嘅鰻魚汁，更加清雅。食（二）食到完全唔想留飯試（三）！（三）加埋茶，啲 Umami 推哂出唻 🥹 又將成餐飯推到一個新嘅高度！食完三個食法，仲有個清甜到不得了嘅海帶湯！好幸福。之後晚市再嚟，鰻魚飯除咗以上嘅三種食法之外，仲有第四種食法！就係加埋生蛋。蛋漿包住一粒粒飯，滑捋捋嘅口感，簡直係日本動漫「食戟」(Food Wars!) 嘅享受 🤯另外一次晚市唻，食完生蝦刺身又有得炸埋蝦頭。幾個人叫咗一條鯛魚做刺身，食完刺身後又攞魚骨煲湯，又係清甜好飲到不得了！聽朋友講雞皮餃子唔識形容，就係好食🤣
第一次去，午市叫個鰻魚飯，諗住最穩陣。老闆介紹呢間餐廳個鰻魚飯有三種食法：（一）普通鰻魚飯同鰻魚汁、（二）加蔥、紫菜同芥末、（三）加埋茶做茶漬飯。
（一） 鰻魚熱辣辣，好軟熟，就咁已經好好食。
（二）加埋蔥同芥末，完全衝擊我味蕾！係一個想像唔到嘅味道！化解咗香濃嘅鰻魚汁，更加清雅。食（二）食到完全唔想留飯試（三）！
（三）加埋茶，啲 Umami 推哂出唻 🥹 又將成餐飯推到一個新嘅高度！
食完三個食法，仲有個清甜到不得了嘅海帶湯！好幸福。
之後晚市再嚟，鰻魚飯除咗以上嘅三種食法之外，仲有第四種食法！就係加埋生蛋。蛋漿包住一粒粒飯，滑捋捋嘅口感，簡直係日本動漫「食戟」(Food Wars!) 嘅享受 🤯
另外一次晚市唻，食完生蝦刺身又有得炸埋蝦頭。幾個人叫咗一條鯛魚做刺身，食完刺身後又攞魚骨煲湯，又係清甜好飲到不得了！聽朋友講雞皮餃子唔識形容，就係好食🤣
張貼