Van Gogh SENSES (已結業)

心心念念左好耐，終於搵到機會去。入門口就係梵高博物館的藝術紀念品，包括非常靓既茶具、手錶、首飾等等。入d就係餐廳了，我地無book 位直接去既，之前仲擔心會唔會冇位，不過去到發現大把位，不過就唔知係唔係因為無book位，我地係被安排到近入口既位，影相相對就無入d既位靓。今次我地無叫afternoon tea set，單點左想試既兩款蛋糕同兩款嘢飲。Petite Caramel Sunflowers既外型真係非常之靓，兩朵向日葵做得姿態生動，蛋糕表面有微微既閃光，令成個蛋糕細膩精緻。而佢既味道都完全對得起佢既外貌，口感層層疊疊、輕盈鬆軟，唔算好甜。個人覺得配Sunflower Bouquet啱啱好，因為呢個茶既柑橘香好突出，平衡左蛋糕既甜味，相得益彰。Petite Midnight Passion係啫喱皮上作畫既巧思我覺得好加分，口感清爽，酸甜柔滑。Almond Blossom我覺得係今次四款入面最靓既，有種將原作液化左既美感，味道就中規中矩。