影片
更多
2018-12-14
461 瀏覽
聽講呢間牛房餐廳嘅酥皮湯非常出名，所以筆者今日特登黎到佐敦一嚐佢嘅晚餐究竟如何。呢度嘅晚餐推介每日都唔同，而筆者去嘅嗰日係prmote緊牛仔骨，所以筆者就叫左佢牛仔骨嘅menu，然後餐湯揀左忌廉湯加酥皮。先講一講呢度嘅酥皮湯，酥皮焗得非常酥脆，上湯嘅時候侍應仲叫筆者一定一定要小心唔好掂到個碗邊，因為佢嘅酥皮湯係即叫即整， 留意翻一般就咁叫餐湯係唔會有酥皮，但係筆者強烈建議大家一定會要加錢加埋酥皮。酥皮可以食得出有一股牛油味，就咁唔沾湯食嘅感覺有d似牛角酥，而當沾左湯之後，酥皮吸收晒d汁，入口非常順綿，無論係乾食定濕食都非常好食。另外，餐湯仲有跟埋餐包，餐包都有焗翻一次，所以都非常之鬆軟，而邊係有小小脆，而最好嘅地方係佢係幫你搽左牛油先去焗翻熱，所以牛油嘅香氣係非常濃郁。至於主菜嘅牛仔骨，雖然無酥皮湯咁驚艷，但係絕對唔差。2條牛仔骨份量唔少，而且肉質嫩，容易切開，咀嚼嘅時候一d都唔覺得難咬碎。加上佢嘅火候控制得岩岩好，牛仔骨嘅表面煎得微脆，但係d肉汁都仲係非常之飽滿，唔會出現越食越口感嘅情況出現，可能呢個就係佢唔似平時餐廳會俾埋鐵板嘅原因。而黑椒汁略為太鹹，而且黑椒味唔算太重，適合唔食得
呢度嘅晚餐推介每日都唔同，而筆者去嘅嗰日係prmote緊牛仔骨，所以筆者就叫左佢牛仔骨嘅menu，然後餐湯揀左忌廉湯加酥皮。
先講一講呢度嘅酥皮湯，酥皮焗得非常酥脆，上湯嘅時候侍應仲叫筆者一定一定要小心唔好掂到個碗邊，因為佢嘅酥皮湯係即叫即整， 留意翻一般就咁叫餐湯係唔會有酥皮，但係筆者強烈建議大家一定會要加錢加埋酥皮。酥皮可以食得出有一股牛油味，就咁唔沾湯食嘅感覺有d似牛角酥，而當沾左湯之後，酥皮吸收晒d汁，入口非常順綿，無論係乾食定濕食都非常好食。
酥皮湯
30 瀏覽
2 讚好
0 留言
另外，餐湯仲有跟埋餐包，餐包都有焗翻一次，所以都非常之鬆軟，而邊係有小小脆，而最好嘅地方係佢係幫你搽左牛油先去焗翻熱，所以牛油嘅香氣係非常濃郁。
酥皮湯 + 餐包
18 瀏覽
1 讚好
0 留言
至於主菜嘅牛仔骨，雖然無酥皮湯咁驚艷，但係絕對唔差。2條牛仔骨份量唔少，而且肉質嫩，容易切開，咀嚼嘅時候一d都唔覺得難咬碎。加上佢嘅火候控制得岩岩好，牛仔骨嘅表面煎得微脆，但係d肉汁都仲係非常之飽滿，唔會出現越食越口感嘅情況出現，可能呢個就係佢唔似平時餐廳會俾埋鐵板嘅原因。而黑椒汁略為太鹹，而且黑椒味唔算太重，適合唔食得辣嘅朋友，最值得留意嘅係，佢雖然好似平時茶餐廳嘅頹飯咁濃黏，但係並無平時嘅麵粉同生粉味，所以唔會覺得濟，值得加分。
牛仔骨
59 瀏覽
1 讚好
0 留言
至於佢嘅配菜只係一般，食落去嘅時候係凍嘅，應該係俾人攤涼左。不過番茄有煎過，令到佢嘅表面有小小焦糖化，微甜嘅味道可以balance翻黑椒汁嘅鹹味，所以整體黎講，呢個牛仔骨係值得尊登去食嘅！
張貼
