影片
更多
2018-06-25
539 瀏覽
我同大少都非常鍾意去台灣，其中一個原因係比台灣嘅美食吸引着。知道有台灣過江龍嚟香港開燒肉店，我哋一直都搵緊機會嚟試吓。幾經辛苦終於答啱時間有book到枱可以嚟一探虛實。店內裝修都非常有特色，除咗一般嘅方枱同卡位之外，仲有吧枱位。食燒肉坐吧枱我都真係第一次見！我見到其他客人坐吧枱係有一個爐喺佢地前邊有個師傅幫佢哋燒。我哋睇過Menu睇咗好耐因為實在太多野都想試。幾經辛苦落完單之後，我哋嗌嘅小食就已經上枱，就係醃蘿蔔。呢個醃蘿蔔食落有少少辣，唔會有平時嗰浸醃蘿蔔嘅怪味另外一個小食就係蟹膏生干貝。顧名思義就係喺刺身帶子上面加上蟹膏，兩樣食材都非常新鮮，食落非常鮮甜。值得一試，流口水中！跟住就到主角燒肉出場，首先嚟到嘅但係霜降松阪豬。開頭我哋擔心唔知點燒，因為驚唔識燒而影響咗味道，但其實基本上所有食材都會有店員幫你處理。呢個松阪豬十分爽口，肉味十足。啱啱食完松阪豬之後，角切牛舌就已經放低係我地面前。店員同我地講每一隻牛只有十分少量嘅肉可以做到角切牛舌。店員幫我地燒後我哋就即刻擺入口，第一下咬落去我同大少都'嘩'咗出嚟！估唔到佢嘅肉質係咁鬆化，而又有十分強勁嘅牛味！我個人覺得呢個係一定要試！睇得
店內裝修都非常有特色，除咗一般嘅方枱同卡位之外，仲有吧枱位。食燒肉坐吧枱我都真係第一次見！我見到其他客人坐吧枱係有一個爐喺佢地前邊有個師傅幫佢哋燒。
我哋睇過Menu睇咗好耐因為實在太多野都想試。幾經辛苦落完單之後，我哋嗌嘅小食就已經上枱，就係醃蘿蔔。呢個醃蘿蔔食落有少少辣，唔會有平時嗰浸醃蘿蔔嘅怪味
另外一個小食就係蟹膏生干貝。顧名思義就係喺刺身帶子上面加上蟹膏，兩樣食材都非常新鮮，食落非常鮮甜。值得一試，流口水中！
跟住就到主角燒肉出場，首先嚟到嘅但係霜降松阪豬。開頭我哋擔心唔知點燒，因為驚唔識燒而影響咗味道，但其實基本上所有食材都會有店員幫你處理。呢個松阪豬十分爽口，肉味十足。
啱啱食完松阪豬之後，角切牛舌就已經放低係我地面前。店員同我地講每一隻牛只有十分少量嘅肉可以做到角切牛舌。店員幫我地燒後我哋就即刻擺入口，第一下咬落去我同大少都'嘩'咗出嚟！估唔到佢嘅肉質係咁鬆化，而又有十分強勁嘅牛味！我個人覺得呢個係一定要試！
睇得深夜食堂多，我哋就試咗個鮭魚茶漬飯感受下，都幾好食呀！
之後我哋叫嘅綜合野菜亦都送到。各款蔬菜都十分新鮮！
另外我哋仲叫咗個鮮魚味噌湯，魚味濃郁， 十分鮮甜！
跟住又翻返嚟燒肉啦！就係我哋最鍾意嘅牛五花肉！果然呢度嘅肉類真係冇令我地失望！呢個牛五花又係十分出色！
最後就係豬五花。相對地呢個豬五花就比較失色，可能因為我哋揀咗蒜味，太多蒜蓉令到食唔到豬五花嘅味道。我都食得出個肉本身都係相當高質！
全餐飯我哋基本上都冇用過啲調味料，淨係食咗啲蔥花同洋蔥碎！
呢餐飯食得我同大少十分滿足！基本上全餐飯我哋都覺得十分滿意！仲試過有幾次我哋都'嘩'咗出嚟！因為有啲食材真係太好味道！雖然呢度個消費都唔係低，但呢度真係會令到我哋都會掛住！我哋一定會再嚟
張貼
