影片
更多
2022-08-10
185 瀏覽
一向有幫襯開鰂魚涌嗰間「蝦麵店」，最近品牌喺同區開左新副線，餐廳取名「檳榔島敍」。門面以木系為主調，旁邊嘅霓虹燈裝飾非常搶眼。店內裝潢亦別具特色，湖水藍牆身再配以白色靠背座椅，氣氛輕鬆悠閒，很有度假 feel，令人心曠神怡。餐廳主打馬拉 Fusion 菜，食物分門別類，有椰漿飯、湯麵/撈麵、意粉、薄餅，另外仲有一系列特式小食、沙律、甜品及飲品等供應。點左個晚市二人餐 ($338)，套餐包前菜沙律兩份、一客小食拼盤、兩款主食、一款甜品同非酒精飲品兩杯。前菜沙律份量啱啱好，內有大樹菠蘿、車厘茄同青瓜等，入口清新爽甜，用嚟打開胃口就最適合不過。小食拼盤可以自選 3 款，我哋揀左素菜咖喱角、馬拉盞魷魚圈同馬拉盞一口蝦多士。咖喱角即點即炸，入口熱辣辣、脆卜卜。魷魚圈炸漿脆而薄，魷魚肉煙韌彈牙，咬下一點也不油膩。蝦多士以人手將蝦肉打膠再加入馬拉盞製成，外形小巧的骰，入口酥香鬆脆，沾蜜糖吃，倍添風味。主食方面，選了馬來生炸雞髀配椰漿飯 同 鮮茄蘑菇牛油果薄餅 (+$38)。雞髀大大隻，外皮勁脆身，一咬有油脂湧出，雞肉嫩滑不韌。伴吃嘅椰漿飯亦非常美味，飯粒沾滿了椰子和班蘭嘅獨特香氣，與鹹魚仔、脆花生同
一向有幫襯開鰂魚涌嗰間「蝦麵店」，最近品牌喺同區開左新副線，餐廳取名「檳榔島敍」。
門面以木系為主調，旁邊嘅霓虹燈裝飾非常搶眼。店內裝潢亦別具特色，湖水藍牆身再配以白色靠背座椅，氣氛輕鬆悠閒，很有度假 feel，令人心曠神怡。
餐廳主打馬拉 Fusion 菜，食物分門別類，有椰漿飯、湯麵/撈麵、意粉、薄餅，另外仲有一系列特式小食、沙律、甜品及飲品等供應。
點左個晚市二人餐 ($338)，套餐包前菜沙律兩份、一客小食拼盤、兩款主食、一款甜品同非酒精飲品兩杯。
前菜沙律份量啱啱好，內有大樹菠蘿、車厘茄同青瓜等，入口清新爽甜，用嚟打開胃口就最適合不過。
小食拼盤可以自選 3 款，我哋揀左素菜咖喱角、馬拉盞魷魚圈同馬拉盞一口蝦多士。咖喱角即點即炸，入口熱辣辣、脆卜卜。
魷魚圈炸漿脆而薄，魷魚肉煙韌彈牙，咬下一點也不油膩。蝦多士以人手將蝦肉打膠再加入馬拉盞製成，外形小巧的骰，入口酥香鬆脆，沾蜜糖吃，倍添風味。
主食方面，選了馬來生炸雞髀配椰漿飯 同 鮮茄蘑菇牛油果薄餅 (+$38)。
雞髀大大隻，外皮勁脆身，一咬有油脂湧出，雞肉嫩滑不韌。伴吃嘅椰漿飯亦非常美味，飯粒沾滿了椰子和班蘭嘅獨特香氣，與鹹魚仔、脆花生同吃，更滋味。
至於另一客主食牛油果薄餅，亦睇頭十足。餅底厚薄適中，邊位夠脆，牛油果色澤翠綠，熟度亦剛好，配上甜美多汁嘅車厘茄同脆嫩鮮香嘅蘑菇，口感好豐富。
見鄰桌點嘅香烤薄餅 ($48) 賣相很吸引，也跟風點了一客。薄餅烤得很酥脆，咖喱用椰漿熬製而成，入口椰香味較濃，用來配薄餅吃，味道一流。
飲品點左檳城焦糖咖啡同檳榔島敍雜果賓治，前者口感順滑，帶焦糖甜香；而後者亦冰涼舒爽，口感好 fresh、好清新。
壓軸甜品選了是日娘惹糕點，入口軟糯煙韌，甜度亦剛好，配上帶點鹹味的香濃椰漿，特別滋味。
張貼
