影片
更多
2013-06-21
3178 瀏覽
為慶祝父親節，小肥特意設宴款待大肥爸爸，靚靚媽咪，中肥細契爺，靚靚細契媽，哥哥個fit fit契爺同長跑好手契伯伯；地點及菜式全部由嘴刁o既一家之主大肥爸爸話哂事 ！爸爸所選擇o既「五陵會」，小肥聽都未聽過，而當晚o既坐上客大部份都係多年前黎過食西餐，從未品嚐過會所之中菜。「五陵會」位於中環核心地段，地鐡巴士的士樣樣到，交通極為方便，步行不需五分鐘更可直達蘭桂芳。小肥除左肥，其實都有少少八，從伙計口中得知此會創辦得好有意義：話說喺二十年代香港社交圈入面只有兩個會，一個係只有中國人可以參與o既「華商會」，另外一個係只有外籍人士可以參與o既「香港會」，而「五陵會」就係第一個中國人同外國人都可以成為會員o既社交會所 。話明係會所，所以「五陵會」只招待會員，聽聞最近期入會費為$30,000，可惜唔係經常有位招攬新會員。如果會員每月喺中菜廳簽滿$500，該月月費可免，否則月費為$1,000。 「五陵會」o既中菜廳唔大，除左間開左幾間貴賓廳之外，散枱大概十張左右，所以經常滿座，去食飯一定要預先訂座。餐廳面積雖然有限，不過間隔尚算寬敞，我地坐近門口同廚房都覺得好鬆動。室內裝修簡單得黎光猛，而且
「五陵會」位於中環核心地段，地鐡巴士的士樣樣到，交通極為方便，步行不需五分鐘更可直達蘭桂芳。小肥除左肥，其實都有少少八，從伙計口中得知此會創辦得好有意義：話說喺二十年代香港社交圈入面只有兩個會，一個係只有中國人可以參與o既「華商會」，另外一個係只有外籍人士可以參與o既「香港會」，而「五陵會」就係第一個中國人同外國人都可以成為會員o既社交會所 。話明係會所，所以「五陵會」只招待會員，聽聞最近期入會費為$30,000，可惜唔係經常有位招攬新會員。如果會員每月喺中菜廳簽滿$500，該月月費可免，否則月費為$1,000。
「五陵會」o既中菜廳唔大，除左間開左幾間貴賓廳之外，散枱大概十張左右，所以經常滿座，去食飯一定要預先訂座。餐廳面積雖然有限，不過間隔尚算寬敞，我地坐近門口同廚房都覺得好鬆動。室內裝修簡單得黎光猛，而且優雅大方，地方整潔企理，非常舒適。唯一問題係男女洗手間都要行半層，環境分被扣半分之原因 。會所o既工作人員，不論職位，都同樣友善落力，對客人o既要求亦非常細心體貼。除左經理落單時提出不同意見及專業介紹，服務生都會不時自動加茶換碟，令食客可以更加衛生地享用晚餐 。其中最感動就係當客人一動身準備斟酒時，經理都會自動走埋黎道歉及為各位客人加酒水。據爸爸所講，「五陵會」逢紅字休息，閒日餐廳免加一，不過父親節特別安排加班，所以要加返一，大家都覺得合情合理。
肥肥家族每逢節日食飯都一定會以美酒伴佳餚（開瓶費為$60/枝），所以大肥爸爸必先安排幾款香口小食作前菜：
送酒小食之百花煎釀豆角（$88）：例牌一客$88，共八件，「發發發」，意頭真係好！豆角本身香脆，加上爽口彈牙o既百花蝦胶，咬落層次分明，口感獨特！
送酒小食之乾蔥美極煎排骨仔（$68）：排骨仔肉質非常鬆軟，以乾蔥爆香，所以十分香口野味，認真美極 ！
消暑靚湯之冬瓜盅（$400）：冬瓜盅味道清新甜美，而且勁足料，分出黎每碗除左有夠腍o既冬瓜，仲有不少鮮甜軟腍o既蟹肉同雞肉。
送酒小食之鹹魚茸煎藕餅（$68）：原來此道藕餅係「五陵會」o既招牌菜，爸爸仲話唔鍾意都要試。小弟本身好怕鹹魚陣味，不過見係父親節所以就順下大肥意思食左件 。好意外地，入口完全食唔出鹹魚味，煎得好香好野味，藕餅入面粒粒蓮藕肉亦非常爽脆，唔錯 ！
父親節主菜一之青瓜炒和牛粒（$118）：和牛係大肥最愛食品之一，父親節又點可以缺少呢？「五陵會」個和牛粒鬆軟香口唔油膩，咬落絕對唔會成口油，炒得外表乾身，但入口有夠肉汁，妙極 ！細契媽大讚伴碟o既青瓜好爽脆。
健康美食之上湯菜膽雞（$320/隻）：隻雞冇乜肥，食落好健康！最勁都係連雞胸肉都可以咁幼嫩腍滑，真係難得！
父親節主菜二之陳皮蒸鮮鮑（$1,050/七隻）：母親節食魚翅，父親節食鮑魚，好彩兩個節日前有個農曆新年比細佬逗「利是」儲定彈藥，唔係真係… 每隻鮮鮑都有掌心咁大，好厚身，份量足又夠睇頭，味道鮮甜爽脆，百幾蚊隻其實都唔算過份，只係小肥荷包肉痛左少少！
父親節主菜三之吉列老虎班球（$447）：「五陵會」吉列班球分別有甜酸汁同粟米汁兩款，所以班球同醬汁分開上。新鮮斑塊炸得非常乾身，可以做到個皮又薄又鬆又脆，而魚肉又如絲一般幼嫩，同「喜萬年」個天婦羅班球真係有得比 ！因價錢問題，小肥個人覺得「五陵會」嗰個略勝一籌 。
香口美食之腿汁生煎琵琶豆腐（$98）：大肥爸爸係豆腐王，每餐飯冇豆腐不歡！細佬明白父親節叫個簡單o既琵琶豆腐其實都係想幫我慳荷包 ，感激感激！琵琶豆腐皮薄餡靚，香脆嫩滑，小肥又要引用大契爺講過嗰句，「好有山水feel 呀」 ！
香口美食之順德銅盆煎雞（$180/半隻）：見好多人都叫，所以我地都叫一份黎試。譚經理介紹話雞件可以無骨或有骨，肥肥家族就選擇左走骨。雞件煎得好香脆，咬落肉質又夠軟腍，因為無骨所以食得比較輕鬆，好啱勁懶o既小肥 。
完美單尾之菜粒肉碎煎米粉（$85）：食煎米粉多數都會以中蝦作配搭，落單時爸爸問譚經理除左蝦有乜好介紹，佢就推介個「菜粒肉碎煎米粉」。此道單尾以米粉做底，煎得好夠香口乾脆，雖然芡汁夠，但個米粉絕對冇浸到腍哂或成一pat pat，整體香脆美味，正 ！
總結黎講，「五陵會」中菜廳地點方便，座位舒適，全體服務生態度一樣誠懇，要乜有乜，食物質素毫無瑕疵，價錢合理，在座各位賓客都極之滿意，細契媽更重複大讚「五陵會」所有餸菜都同樣「骨子」！真係好難得一餐飯食到單尾每道餸都可以碟碟清，見到大家食得咁高興咁滿意，小弟覺得餐飯真係好抵請 ！小肥真係非常感激爸爸為父親節晚宴o既悉心安排，所以在此要再三致謝 ！
張貼
