Salamat Cafe (已結業)

同朋友去完體育館黎到附近食晚餐，見呢個餐廳裝修幾雅緻，就入左黎食飯，一人叫左個主食。虎蝦 墨魚仔bb帶子墨汁意大利飯 兩大隻虎蝦，肉質乾左少少，但勝在虎蝦新鮮有蝦味，意大利飯既軟腍程度剛剛好，而且非常多汁，大量既墨汁，飯中仲有墨魚仔同bb帶子，好有口感。法式紙包挪威鮮三文魚配鮮魚汁湯 新薯仔時蔬店員介紹到呢個紙包，係法國特別訂番黎，可以包住食物去煮，食用既時候直接剪開佢就食得。這樣既煮法令三文魚更鮮嫩，仲可以有郁濃既魚汁湯飲，非常鮮甜，三文魚既肉汁一點都沒有浪費到，魚汁湯好出色，配埋質感滑溜既新薯仔同清甜時蔬，成個配搭好夾。