紫蝶花 (已結業)

體諒關心客人既紫碟花 應該係我有生以黎最最最有特色既海南雞飯，先講外觀，一黎到我已經爆左句: 嘩，碟雞咁核突既! 噢，Sor, 我唔應該以貌取雞。 淨睇已經知，係斬完再番蒸既雞，我當你唔係隔夜雞，可能係擔心天氣凍，所以蒸番熱比我，又幾窩心既... 到味道喇，嘩! 真係幾健康，幾關心客人既身體狀況，零味道充滿雞既天然腥味，係雞腥!過火既肉纖維質感考驗緊我牙骹既強度，真心佩服!跟餐既例水，唔單止用黎濕下口，反而同健康既雞肉有個反差，互補不足...飲一啖應該足夠一日鈉所需，呢個雞同例水既配合，簡直精彩!個油飯就唔多講喇，應該唔到我去評論了... 另一樣，叫既係咖哩牛腩撈檬...落完單，1分鐘內上枱，我明我真係明，咁有効率我仲可以講咩，反正同好多嘢一樣，都係“整定“咁... 相較海南雞下，咖哩牛腩撈檬就遜色左啲，淨係體諒客人牙齒既健康，將檬粉煮到可以用匙羹不黎食，近乎粉絲既硬軟，當然不得不1佩服廚師既用心; 個咖哩汁就非常掛汁，接近咖哩膏，幾乎懷疑係食緊甜品咖哩布丁! 跟餐飲品，新加坡奶茶應該都係因為關心客人健康，少茶少奶多水，感謝你。反而新加坡咖啡就普通左啲，無咩特別^0^!