鴻運冰廳餅店

營業中

休息中

全香港所餘無幾嘅閣樓茶餐廳，所以想支持下香港本土歷史、文化。去嗰日有啲熱，叫咗個菠蘿油、凍奶茶。杯奶茶係幾好飲嘅。不過個重點係，餐廳真係好體貼！可能驚熱親塊牛油啦（又可能係見天氣熱兼驚熱親我個嘴），喺冇特別要求嘅情況下，畀咗個凍嘅菠蘿油我，係連個包都係凍。間茶餐廳係名氣大嘅，不過除咗名氣之外，唔知仲有啲咩剩返呢？結構同裝修係保留到，不過食物質素方面，由於我係第一次去，所以唔知係咪一直都係保持呢個水平。有啲回憶應該留喺過去，唔一定需要保留。