朱敏記大牌檔

營業中

休息中

又到咗夜麻麻搵嘢食嘅時候，突然諗起呢間餐廳就去試吓。晚上九點幾入座，餐廳好多人，幾乎坐滿，咁啱唔使等位，門口見到五光十色嘅雷射燈，播住好大聲好勁嘅音樂，好有disco feel，望入門口大部份都係上咗年紀嘅中年食客，有啲食客興起喺度載歌載舞，真係第一次見識😆環境非常熱鬧非常之嘈，每個位置有唔同嘅佈置蒜蓉蒸吊桶 - 個人覺得呢碟幾好食，平時出邊嗰啲吊筒好細隻，佢係好大隻，蒜蓉和汁好味豬油渣炒椰菜苗 - 好大碟，成盤上，味道偏鹹椒鹽豆腐 - 正常份量和味道大檸樂 - 勁大杯，只係三十幾蚊，係大型啤酒杯嗰隻size脆皮花生 - 冇椒鹽味，係鹹鹹地嗰隻，唔食花生嘅我試咗一粒，呢碟係強迫你要的，坐低就要必須收費食物質素冇乜特別，最差就係落錯單，第一次嚟張單嘅餸菜唔係我哋叫嘅，叫侍應更正，第二次再拎單嚟都係錯嘅，到第三次先啱。之後又送錯餸菜嚟我哋張枱，原來就係之前佢落錯單嘅餸菜。另外，我哋食咗個零鐘，椒鹽豆腐都仲未嚟，上菜就真係有少少慢，同埋價錢偏貴。