泰.夯蝦 (已結業)

睇返泰國旅遊節目, 介紹即釣即燒蝦, 但疫症暴發令出國旅遊計劃又被無了期delay。醒起早排經過荃灣, 發現原來香港亦有同類餐廳, 即時相約朋友去體驗一下啦! 入座起計2小時半任飲任食。咁岩撞正見到有新鮮蝦運抵餐廳, 果然新鮮直送,我地食第一時段, 食客較少, 餐廳內釣蝦區分為兩個地方, 分別為流水蝦魚缸同埋大型蝦池, 主要供坐卡位嘅食客自助夾蝦。原來除左主打蝦, 仲有更多其他選擇, 包括有多重口味雞翼、串燒、蔬菜等燒烤食材, 就連其他急凍海鮮都有供應, 例如扇貝+生蠔+卜卜蜆+蟶子仔等另一邊有少部份熟食區+冷盤區, 同埋醬料區飲品方面, 以紙包飲品為主,另外, 五款刺身都係無限任食!! 燒蝦嘅同時, 真係可以不停食食食...每位限一份鮑魚+帶子,  鮑魚有彈性, 沒有額外調味, 食到本身嘅鮮甜每張檯都有一個冰筒, 夾起想捉嘅蝦, 再浸於冰筒中約一分鐘, 再將蝦鬚剪走就可放上網燒,第一次自己捉蝦, 再即燒, 絕對保証到新鮮, 極為鮮甜, 蝦肉更富彈牙! 有好幾隻蝦頭, 仲有甘甜蝦膏! 勁正!至於醃製雞翼都醃得入味, 就連串燒質素亦唔錯, 特別係雞軟骨, 燒至邊位有少少焦, 香口爽脆,