青花 (THE FOREST)

揀得在旺角開餐廳就要預左啲客係gathering食飯嘍。初入座時無話係限時的，我們4個人叫左一枱嘢食又有嘢飲，正常速度consume左4成食物，一個男侍應已經就嚟問洗唔洗收碟。我們呆左話未食完喎，條友隔一陣就走嚟伸對手想收碟。收乜鬼啊？初初我仲笑住同朋友講，佢可能想幫我們清下枱面坐舒服啲，但後尾勁唔對路連另一個女侍應都加入想收我哋啲未有耐食晒的碟。成程勁打擾我們傾計。到枱面食品仲剩2成、我們各人杯飲品仲剩4成的時候，第3個侍應直接放張單過嚟想收錢。喂未食完喎！我哋的叉仲篤梗嘢食的喎！我望望間餐廳門口，都無人排隊！未收錢已經咁無禮貌，收左錢仲唔即刻掃我哋走？餐飲業唔係要儲客的咩？佢仲放張推廣咭想draw人入會，好彩無為果少少折而中伏啫！未食到一半已經趕客走的餐廳，點做會員幫襯多你一次啊！你完全不值得人去幫襯一次！