肉搏食堂 (已結業)

話說經過好多次都因為太長龍無食到，今日早左放工見人無咁多終於有機會食下。雖然舖仔細細但坐落又出奇地好有自己空間感，體驗幾好。慢煮黑豚盛丼同香煎頂級牛肉配鵝肝丼，我較喜歡後者。前者嘅豚肉因為慢煮，比起平時食嘅豚肉無咁孩，而且都好有豚肉香味。後者醬汁同牛肉好匹配，好香甜又唔會搶走牛肉味，鵝肝嘅油潤感令到每口飯好豐富口感，有種食唔停口嘅感覺！有少少魚肉夠香咸咸地，鹽燒三文魚頭作為小食真係唔錯！至於個洋蔥湯，真材實料好多洋蔥，超勁洋蔥嘅甜味。不得不講佢杯朱古力曲奇沙冰超好飲，似飲一杯解渴嘅雪糕但唔會好滯。老婆鍾意清d，佢話青瓜蘋果沙冰都好fresh好冰涼，整體黎講好ok！