大喜屋 (已結業)

今日係尖沙咀逛街，遇著午飯繁忙時間，見到大喜屋價錢非常便宜，等左六分鐘就入得去！餐廳非常宏大，裝潢比一般放題餐廳豪華得多，位子亦比較鬆動。服務方面，上菜速度非常快，平均十分鐘就上到菜。三文魚係必食，非常新鮮。甜蝦亦不遜色，鮮甜無比。劍魚腩、帶子亦係不錯既選擇。餐廳提供好多各種特色壽司，有牛油果軟殻蟹卷、芝士鰻魚卷，配搭不會突兀，素材味道配搭一流！燒羊架外皮香脆，太不油。至於雞翼都燒得毫不乾身，鹹度適中。蒜片牛柳粒多肉汁，肉質亦算嫩滑。牛舌串非常香脆，牛味濃重，值得一試。網燒牛仔肉真係一大驚喜，肉呈鮮粉紅色，肉質非常滑嫩，又大件。燒蝦肉質鮮甜，肉身較多。雖然係日本放題，但餐廳竟然有提供馬拉盞炒芥蘭苗，味道不比泰國餐廳差。餐廳甚至有人蔘湯，食物選擇可謂非常多。總括而言，不論在質素，環境甚至服務，大喜屋比我之前食過既放題更為出色。