BEL CIBO Seafood Bar & Restaurant (已結業)

樓上餐廳經常會有意外驚喜，今次又試下尖沙咀其中一間好評餐廳，一打開電梯門就見到陳展鵬⋯⋯張相😎明星都來幫襯，信心大增呢！之後見到原隻龍蝦加意粉都係$198，焗蠔都係$18一隻，好優惠的價錢。但原來有個2人餐，又有龍蝦又有蠔，都係五百幾，計落條數叫餐著數少少啦。先來前菜沙律及大蝦鮮果酥盒，配上芒果汁，甜酸度適中，令人十分開胃。是日餐湯是周打魚湯，味道香濃，配新鮮香口的面包條，將面包點去湯裡同時享用，更為美味。令我期待的焗蠔，遠遠已經聞到那香氣撲鼻的黑松露香味，蠔身很肥美，咬落口感非常好，另有美式芝士口味，有兩種味道滿足貪心的我。 主菜豬扒配扇貝，豬扒肉質鮮嫩，配上燒汁更為美味。 另一主角是焗原隻龍蝦，芝士味香氣撲鼻，肉質豐富可口，龍蝦底部有兩球薯蓉，大食如我的男士，食完都覺得飽。 最後二人餐會有餐茶及甜品，甜品拼盤一次可品嚐五款甜食，但可能雪櫃太冷，蛋糕雪得太硬，是今次晚餐最美中不足之處，但其他食物都很有特色，值得一試。