幸圓

營業中

休息中

今日同家姐一齊嚟到呢間裝修好日式嘅餐廳食嘢，之前就有同事介紹佢哋啲嘢食好精緻又好味，menu都好特別，係日式同西式料理嘅fusion菜。Menu好多特別嘅菜式，我哋揀到眼花繚亂。😹 最後我哋揀咗： 🌟一本A4和牛沙律配松露油酢汁🌟 前菜我哋揀咗呢碟沙律，薄切嘅A4和牛好嫩滑多汁仲配埋各種新鮮蔬菜，份量十足，我哋仲以為係主食嚟添！ 🌟燒酒糟鮑魚🌟 鮑魚好肥美多汁仲帶住淡淡嘅酒糟香味，微微嘅酸甜口感同鮑魚嘅鮮味一齊食落去真係好開胃！ 🌟唔係寶雲酥伊比利亞羊肋排🌟 賣相好吸引，伊比利亞羊肋排燒得啱啱好，外層香脆入面好juicy！羊肉味好香濃一啲都唔騷，一人一舊真係食唔夠！ 🌟赤蝦他他·魚子醬·蝦汁意大利粉🌟 意粉煮得軟硬適中，每條都吸收晒濃郁嘅蝦汁，再配埋魚子醬同鮮甜嘅赤蝦，家姐食到讚不絕口！一啖都唔想分畀我食😹😹