千府·居食屋 (已結業)

有人將會遠行，所以今日就諗住食餐好。今日就去咗勝利道2號嘅一間日本居酒屋“千府“食晚飯。 先嚟頭盤就係一個佐酒小食$30 ，有青瓜同埋蘿蔔切條，配點一個廚師特製嘅提魚醬汁。提魚就好似香港嘅鹹魚 ，鹹鹹香香，作為開胃菜很不錯。 第二度小食就係一個“螢光魷魚沖漬“$48 ，滑潺潺嘅口感好得意， 魷魚嘅味道好香， 漬物嘅味道比較重身，好適合配酒。 再嚟就係一個“松葉蟹波波“$148。啖啖蟹肉， 感覺十分奢侈， 海量嘅蟹肉鮮味充斥著每一個味蕾。 最重點嘅當然就係“壽司拼盤9件“$298，有海膽，帶子裙邊，和牛等等。 每一件都做得好出色 ，飯粒大小適中，一啖一件，簡直就係一次過滿足曬多重願望。 然之後就係串燒， 水準合格有餘。 有番薯仔$25，冬菇。 下一道菜就係一個“松葉蟹膏蟹肉茶蒸碗“$58。同樣地每一口都有 蟹膏嘅鮮咸香味， 而且個蛋蒸到好似bb嘅肌膚一樣滑。 最後一個主食就係“安格斯牛肉烏冬$108， 清清地又飽肚滿足， 烏冬煮到啱啱好口感彈牙。 去到甜品都冇令到我失望，就係一個“宇治抹茶紅豆布丁 “$48，布丁做得十分Q彈，濃郁嘅抹茶味道 ，唔會太甜亦都唔會好膩，作為一餐飯嘅終結最完美