仙后餐廳 (已結業)

仙后在灣仔開業咁耐，上星期終於有機會去試。今次同朋友到呢間餐廳食咗個set lunch，4-course 加杯啡茶, 價錢$298，CP 值超高。頭盆要了一個蝦，配嘅汁清新開胃，擺盆講究，冇諗過$298嘅餐都有呢個質素，讚！接住就有是日餐湯，南瓜湯，正常發揮，特別之處係食到佢放咗一兩粒估計係山椒嘅食材落去。到主菜時，我加咗錢要一件牛扒，不過牛扒嘅發揮就好一般喇，可能件扒本身嘅質素普通，牛味一般。最後，到甜品，叫了一個民lemon cake 嘅甜品，再一次超出我嘅預期，精緻，好食，甜品由多種不同嘅食材組成，十分欣賞。最後，講吓個環境，當日餐廳唔係好繁忙，只有幾枱客，環境寧靜，高雅，十分適合朋友聚會傾偈。總括而言，以呢個價錢，頭盤同甜品都令人十分驚喜及滿意，除了主菜有改善嘅空間外，十分推薦呢到食lunch 同傾偈。