Tapa Room (已結業)

位於尖沙咀山林道嘅西班牙餐廳，有七彩繽紛嘅霓虹燈可以打卡，整體環境都幾chill。食物質素不錯，亦唔算貴。✨鵝肝比堅尼三文治香脆嘅烘底三文治中間夾住香濃嘅鵝肝醬，香口得黎一啲都唔膩，非常好味🤭✨巴塞隆拿式烤紅蝦四大隻紅蝦啖啖肉，蝦肉彈牙，蝦膏好豐富。烤得脆身香口，配上牛油同香草調味，好惹味。✨莫希托羊肉串燒莫希托即Mojito，用來為羊肉調味，幾新鮮。羊肉串嘅羶味適中，再加少少青檸汁，不錯。✨薄切慢煮八爪魚薄切八爪魚片爽口彈牙。面層加上酸酸味味嘅蕃茄蓉同醬汁，非常開胃。✨西班牙慢烤乳豬蕃茄鍋飯乳豬皮烤得好脆，整體唔會太肥，香而不膩。鍋飯濕度剛好，仲有少少飯焦添。✨White Sangria✨Red Sangria西班牙水果酒，分別以白酒同紅酒，再加入不同水果。酒味唔會太濃，亦幾清新。