金滿膳燒味餐室 (已結業)

咁啱響附近返工，見到呢邊開咗間新餐廳，lunch就同同事試咗呢間，門口啲燒味睇落都幾吸引，入到去乾淨企理。秘制燻蹄飯$48啲燻蹄嘅份量適中，最重要係味道真係唔差，比起其他地方嘅燻蹄，佢哋呢度嘅食落去鹹香又唔油膩，好啱送飯食。柚子蜜叉燒飯$48叉燒飯最值得推介，肥瘦適中，咬落去叉燒嘅肉汁同蜜汁融合得好好，最緊要柚子蜜嘅少少酸甜味令叉燒食落一啲都唔膩。另外想讚一讚呢到既白飯，煮得軟硬適中，而家好少店係做到呢件事！