影片
更多
2024-02-06
39 瀏覽
大角咀高質西餐廳 今次同朋友去咗大角咀搵嘢食，見到呢間西餐廳主題吸引，價錢又唔貴，所以決定食呢間。 夜晚佢有3款Set Menu，分別係 Wellington Set For Two, Dinner Set For Two同埋Value Dinner Set. Value dinner set就啱晒一個人嚟食。我哋就嗌咗一個Dinner Set For Two，呢個套餐都好多嘢可以揀，包兩個湯、一個小食、一個意粉/飯、一個主菜、兩個甜品，另外加$20就可以有埋嘢飲。 當日餐湯係甘荀湯，飲落非常濃稠同帶點甜味，而每啖尾都會飲到陣陣甘荀味。 小食有3款選擇，我哋就揀咗脆脆牛肉薯餅，一碟會有兩件薯餅，同時伴隨沙律菜及沙律醬。牛肉薯餅即叫即炸，食落熱辣辣同非常脆口，入面嘅薯蓉壓得夠細同綿密，做到外脆內軟糯。薯餅除咗牛肉外，仲食到有洋蔥，所以食落都夠哂香口。 南瓜意大利飯平時較少食，所以就選擇咗呢個。意大利飯質地creamy，帶有南瓜香同甜味，上面鋪有兩件切件南瓜，而且見到飯入面有番茄仔，味道層次再豐富啲。 主菜有4/5款選擇，豬牛雞魚都有齊，最後揀咗至愛嘅牛肉 – 香煎紐西蘭肉眼扒 10 oz
今次同朋友去咗大角咀搵嘢食，見到呢間西餐廳主題吸引，價錢又唔貴，所以決定食呢間。
夜晚佢有3款Set Menu，分別係 Wellington Set For Two, Dinner Set For Two同埋Value Dinner Set. Value dinner set就啱晒一個人嚟食。我哋就嗌咗一個Dinner Set For Two，呢個套餐都好多嘢可以揀，包兩個湯、一個小食、一個意粉/飯、一個主菜、兩個甜品，另外加$20就可以有埋嘢飲。
當日餐湯係甘荀湯，飲落非常濃稠同帶點甜味，而每啖尾都會飲到陣陣甘荀味。
小食有3款選擇，我哋就揀咗脆脆牛肉薯餅，一碟會有兩件薯餅，同時伴隨沙律菜及沙律醬。牛肉薯餅即叫即炸，食落熱辣辣同非常脆口，入面嘅薯蓉壓得夠細同綿密，做到外脆內軟糯。薯餅除咗牛肉外，仲食到有洋蔥，所以食落都夠哂香口。
南瓜意大利飯平時較少食，所以就選擇咗呢個。意大利飯質地creamy，帶有南瓜香同甜味，上面鋪有兩件切件南瓜，而且見到飯入面有番茄仔，味道層次再豐富啲。
主菜有4/5款選擇，豬牛雞魚都有齊，最後揀咗至愛嘅牛肉 – 香煎紐西蘭肉眼扒 10 oz，配菜有薯條、甘荀仔同青豆。Medium rare牛扒煎得剛好，鮮嫩又保留到肉汁。另外牛扒亦配有燒汁同岩鹽，燒汁味道比較重，同埋牛扒已經夠味，我覺得唔洗配汁都好食。
甜品 – 福岡縣芝士蛋糕，蛋糕擺盤好靚，有士多啤梨同藍莓做裝飾，蛋糕芝士味濃又香軟。
兩個人食一個餐係非常足夠，食得滿足又夠飽，服務亦唔錯，下次都可以再嚟！
📍 Starry Night (大角咀)
大角咀博文街8號地舖
張貼
