影片
更多
2019-07-13
41 瀏覽
話說今日約左一個係荃灣返工嘅舊同事食飯，大家方便啲都係留喺荃灣食啦。由於朋友好少食越南嘢，而我又有一次去咗呢間食午餐都算唔錯，所以就決定返嚟呢度食啦。環境格局似快餐店，但網上天花亦都有特色之處。由於我哋唔太肚餓，所以今次都係以小食為主，畢竟大家都鍾意食香口嘢。二人餐其實都係講緊200蚊，非常經濟實惠，就算係散叫，價錢都係十分相宜。首先梗係要整返個小食拼盤啊。雞翼嘅香茅味都幾突出。蔗蝦都係外脆內軟，仲有個甜酸醬點下添。蒸粉包嘅味就比較淡，要配上魚露食。春捲都係香脆，味道正常。牛油果軟殼蟹米紙卷。軟殼蟹都幾鬆脆，配上牛油果感覺好fresh，米紙卷本身冇乜味，都係要靠魚露調下味。香蒜牛油焗青口呢個整得唔錯，好香嘅蒜蓉同牛油味，一客六隻，都算係性價比幾高嘅小食。越式燒豬扒三文治。我覺得今餐最好食嘅就係呢個。平時食嘅法包大多數都係硬繃繃。今次呢個真係好香脆，加埋牛油真係好好食。去吃豬扒，生菜番茄呢個配搭，就好似食緊澳門豬扒包噉，相當唔錯。燒蝦濱海。話說我都係第一次食濱海，就係米紙捲入邊嘅粉，同樣都係冇乜味，要靠魚露嚟吊味。兩隻大蝦都燒得幾好食。椰青。飲落清新鮮甜，亦都係推薦。總結，一間性價比好高
話說今日約左一個係荃灣返工嘅舊同事食飯，大家方便啲都係留喺荃灣食啦。由於朋友好少食越南嘢，而我又有一次去咗呢間食午餐都算唔錯，所以就決定返嚟呢度食啦。
環境格局似快餐店，但網上天花亦都有特色之處。
由於我哋唔太肚餓，所以今次都係以小食為主，畢竟大家都鍾意食香口嘢。
二人餐其實都係講緊200蚊，非常經濟實惠，就算係散叫，價錢都係十分相宜。
首先梗係要整返個小食拼盤啊。雞翼嘅香茅味都幾突出。蔗蝦都係外脆內軟，仲有個甜酸醬點下添。蒸粉包嘅味就比較淡，要配上魚露食。春捲都係香脆，味道正常。
牛油果軟殼蟹米紙卷。
軟殼蟹都幾鬆脆，配上牛油果感覺好fresh，米紙卷本身冇乜味，都係要靠魚露調下味。
香蒜牛油焗青口
呢個整得唔錯，好香嘅蒜蓉同牛油味，一客六隻，都算係性價比幾高嘅小食。
越式燒豬扒三文治。
我覺得今餐最好食嘅就係呢個。平時食嘅法包大多數都係硬繃繃。今次呢個真係好香脆，加埋牛油真係好好食。去吃豬扒，生菜番茄呢個配搭，就好似食緊澳門豬扒包噉，相當唔錯。
燒蝦濱海。
話說我都係第一次食濱海，就係米紙捲入邊嘅粉，同樣都係冇乜味，要靠魚露嚟吊味。兩隻大蝦都燒得幾好食。
椰青。
飲落清新鮮甜，亦都係推薦。
總結，一間性價比好高嘅越南菜，服務員亦都非常殷勤，一上菜都即刻教我哋邊樣菜係要點魚露，邊種菜係點甜酸醬，值得推薦。
張貼
