影片
更多
2018-11-15
934 瀏覽
#LuBie深水埗係深水埗西九龍中心既foodcourt云云咁多間食店之中 俾一間個名幾有趣既鋪頭吸引左我既目光 因為心諗空姐同牛肉飯究竟有咩關係 唔通係個空姐係度煮牛肉飯😂因爲佢個名所以走左去試。🔽原來叫空姐既原因係因為呢間鋪既老闆婆🍱空姐牛肉拼壽喜燒雞翼飯（大）w/🍱吉野豚肉飯拼壽喜燒雞翼飯（大）呢兩碗飯既size真係好驚人 係平時車仔麵外賣碗既size 而且飯加埋餸既份量已經去到同碗口平排 可想而知有幾足量。飯應該係珍珠米黎既 睇落都算粒粒分明，實感就淋身少少 可以係因為吸左啲肉汁，食落帶甜味同肉既油香 味道唔差，另外姐姐都好貼心問我地洗唔洗多啲汁 仲另外比多左兜汁俾我地。🔽餸方面 牛肉同豚肉都比想像中煮得嫩 同好有肉汁 而且肥瘦均勻 雖然肉味較淡 但個人認為不下於連鎖店既質素 份量則多好多。壽喜燒雞翼帶清淡既甜味 煮到岩岩熟 肉好嫩滑 而且好入味 黎到一定要試。🔽🍖芝士炭燒雞串燒肉夠肥美 有啲肥膏 食落好滑 加埋佢個燒烤醬既味道 幾惹味，上面個芝士醬就有啲多餘 因為無咩味道 食唔出係芝士醬 唔加返而會更加好味。🔽🥗日本胡麻鮮菜沙律（大）22蚊有咁大兜既沙律真係好抵食 而且個沙
係深水埗西九龍中心既foodcourt云云咁多間食店之中 俾一間個名幾有趣既鋪頭吸引左我既目光 因為心諗空姐同牛肉飯究竟有咩關係 唔通係個空姐係度煮牛肉飯😂因爲佢個名所以走左去試。
🔽
原來叫空姐既原因係因為呢間鋪既老闆婆
🍱空姐牛肉拼壽喜燒雞翼飯（大）w/🍱吉野豚肉飯拼壽喜燒雞翼飯（大）
呢兩碗飯既size真係好驚人 係平時車仔麵外賣碗既size 而且飯加埋餸既份量已經去到同碗口平排 可想而知有幾足量。飯應該係珍珠米黎既 睇落都算粒粒分明，實感就淋身少少 可以係因為吸左啲肉汁，食落帶甜味同肉既油香 味道唔差，另外姐姐都好貼心問我地洗唔洗多啲汁 仲另外比多左兜汁俾我地。
🔽
餸方面 牛肉同豚肉都比想像中煮得嫩 同好有肉汁 而且肥瘦均勻 雖然肉味較淡 但個人認為不下於連鎖店既質素 份量則多好多。壽喜燒雞翼帶清淡既甜味 煮到岩岩熟 肉好嫩滑 而且好入味 黎到一定要試。
🔽
🍖芝士炭燒雞串
燒肉夠肥美 有啲肥膏 食落好滑 加埋佢個燒烤醬既味道 幾惹味，上面個芝士醬就有啲多餘 因為無咩味道 食唔出係芝士醬 唔加返而會更加好味。
🔽
🥗日本胡麻鮮菜沙律（大）
22蚊有咁大兜既沙律真係好抵食 而且個沙律一啲都唔hea有好多既沙律菜 青瓜片 車厘茄 而且胡麻醬落得好夠多，個醬味道幾好 撈沙律味道唔錯。
🔽
總括黎講性價比幾高 食物味道唔錯 份量又多 值得回頭再幫襯。
📍神戶食堂 空姐牛肉飯
📍深水埗欽州街37k西九龍中心8樓34號鋪
張貼
