The BASE nature (已結業)

同朋友去citywalk食飯，之前有食過帶子墨魚汁飯，幾念念不忘，所以決定再食。因為下就無食飯，所以就叫咗個set好好享受下。手製薄荷朱古力🍫：杯野既presentation好特別，分開成野飲、朱古力漿、朱古力粒，合併成一杯。飲落薄荷味出但唔太甜。前菜：泰式木瓜絲魷魚沙拉🥗個前菜相對大份，魷魚爽口，個調味酸酸辣辣好有東南亞味，木瓜絲、生菜夾埋食幾清爽。另外仲跟兩個餐湯：主菜係忌廉菠菜雞肉米形粉。個粉形狀粒粒分明，好似意大利飯。但質感更加滑，口感好得意。本身以為都係幾普通，但雞肉出奇地滑唔鞋口！另一個好有驚喜既莫過於係呢個西冷牛扒配薯菜。個牛無筋！外皮有焦香個肉味濃，重點係肉質滑諗。性價比好高！如果可以多d汁就更好朋友仲本身驚唔夠飽叫個芝士薯格：最後飽到食唔曬。但個薯格真係好酥脆，加埋芝士極邪惡。值得一讚既係跟餐咖啡係出面cafe質素，拉花同味道都無hea做。食埋個甜品。好似..食多咗。頂住個胃…個二人餐有兩個主食，前菜，餐湯，同埋特飲，400幾係商場真心抵食。