Shine (已結業)

我個人係幾鐘意有特式設計既餐廳，可以坐得舒服之餘，環境又岩傾計同食飯~ 今日男朋友仔就好有愛咁靜靜雞咁book呢間shine~ 一上到黎 我即刻被佢d燈光吸引到 ~巧妙既鋪設令到環境有d暗得黎又唔會影響到視野，仲feel到幾有情調。我地差d掛住影相講野都唔記得叫野食，最後我地叫各自叫咗自己想食嘅嘢，我就叫咗三文魚沙律配北海道帶子，d帶子既份量都算多，配埋啲西柚幾開胃~男朋友就嗌咗個龍蝦湯同埋芝士焗加拿大龍蝦意大利飯，因為啱啱侍應講今日新鮮推介到貨係龍蝦 ，所以佢就叫咗~我試咗少少，龍蝦湯都幾濃~味道都可以。到我最期待嘅安格斯特級漢堡~個包入面有塊蘑菇牛肉非常之夾，薯條真係啱啱炸好新鮮出嚟，好脆呀，正~同埋我哋book咗枱有卡位嗰個卡位咁啱行到少少海景，都叫有驚喜~最後我哋埋完單走個陣幾個侍應都有同我哋講拜拜，非常有禮，期待下次再黎，男友今次安排得好週到~填飛仔都有安排埋 貼心~