生生。泰港知味 (已結業)

香港系一個飲食天堂，世界各地嘅美食係香港都唔難搵到。至於泰國菜更加係多不勝數。今日我同朋友經過灣仔，離遠就見到一間好高格調嘅泰國菜，位於灣仔嘅大街，單邊轉角鋪，燈光火著，好sharp醒。店內光線充足，而且應該係啱啱新裝修，店內嘅設計隨意而顯得優雅，座位寛躺舒適，而且又寧靜，可以好好地咁傾下計。盡訴心中情店內兩邊落地玻璃，對住人來人往嘅大街，別有一番情調。我哋叫咗個人氣熱賣二人套餐冬陰公湯香料好多，而且好重椰汁味同香茅，仲有大大隻蝦係入面，加上一啲嘅菇類，酸味同辣味剛剛好，而且用一個藍色嘅碗裝住， 十分別緻。炸蝦餅拼炸春卷炸蝦餅炸得好香脆，入面啲蝦膠好爽口彈牙，至於春卷，除咗香脆之外，入面嘅材料都好豐富，呢兩味炸物配上泰式辣醬簡直一流。泰式串燒有豬肉同埋雞肉，味道十分惹味，火候燒到啱啱好，肉質鮮嫩，配上秘製嘅醬汁，香濃美味，一試難忘。海南雞飯佢嘅海南雞外滑內嫩，雞皮鮮黃色爽口彈牙，肉質細嫩，雞味突出，而且無骨啖啖肉，就算連雞胸肉都好滑不過最可惜嘅係我配嘅係白飯，因為油飯已經賣晒啦，有點兒美中不足。呢味馬拉盞炒雜菜，就認真豐富啦，入面有芥蘭，西蘭花，菇，香濃嘅馬拉盞味道，濃郁芳香，而且份量