薄荷葉泰國菜

營業中

休息中

平時成日經過見到環境唔錯，又有bar 枱又有播歌，裝飾都幾有心思，今日唔想又食西餐或者日本野，決定一試呢個泰國菜，原來有線電視都黎過呢間餐廳。😯😯一入到去，服務員已經送上一碟酸酸少辣開胃嘅青瓜前菜比我地慢慢揀野食。服務員個個態度都唔錯，睇得出好用心經營，又會同你講解下餐牌，介紹下啲醬汁咁。我地揀左肉碎生菜包、泰式炒金邊粉同椒鹽魔鬼魚，另外再叫左2杯野飲—Pretty lady同Mint cocktail。杯野飲好快黎左，pretty lady類似fruit punch但甜少少，女仔應該啱飲。肉碎生菜包少少辣，個調味啱啱好，幾出色。椒鹽魔鬼魚一切開已經聞到個陣魚嘅香味🤤，外圍又夠脆，服務員仲好nice咁提我地可以點兩隻sauces，第一次食魔鬼🐟，原來佢啲骨係軟骨可以咬碎吞落肚。泰式炒金邊粉唔太油唔太膩，啱啱好，加埋3隻🦐，賣相都唔錯，打卡一流。