花貝日本料理 (已結業)

亞女轉咗新工請我嚟呢間位於銅鑼灣開平道的花貝日本料理慶祝 店內裝修以簡約木系為主，設有開放式吧枱、卡坐、宴會廳同兩間日式榻榻米和室，和室前更以石春、長櫈、盆景營造出日式庭院的感覺 吞拿魚配牛油果醬吞拿魚的鮮味加上牛油果醬的豐腴口感，無論配搭和風汁或柚子汁都同樣感覺清新唔膩，加上新鮮爽脆的沙律菜就更健康 凍日本蕃茄配柚子汁選用日本高糖度蕃茄，糖度達到10度左右，比普通蕃茄更鮮甜更多汁，而且味道濃郁，配搭柚子汁甜味更突出，冰凍過後食消暑一流 薄切左口魚刺身師傅刀功了得，左口魚薄切透光，肉質爽彈，配搭柚子汁清新鮮甜；而中間的是炙燒裙邊，裙邊油脂豐富，肥美爽口，炙燒過後味道更加甘香濃郁，配搭芥末可減低油膩感 雜錦壽司拼盤十貫(特上)有牡丹蝦、北寄貝、金目鯛、羽太、深海池魚、生八爪魚、日本根室海膽、喜之次、醋青魚及大拖羅十款，按照味道濃淡逐一品嚐，鮮味無比 串燒串燒有五類選擇，分別是牛、雞、豚、海鮮及野菜，試咗A5和牛粒、雞膝軟骨、雞胸軟骨、黑豚腩肉及白鱔，配埋蛋香濃郁可生食的蘭王雞蛋做點醬就更加香甜 另外仲有帆立貝串燒，肉質彈嫩，鮮甜甘香 汁燒原隻槍魷魚筒原隻魷魚筒非常大只，肉質柔軟有咬口又唔