夜。鐵板燒

呢間夜。鐵板燒做omakase鐵板燒，我地就簡佐最貴果個佐2088套餐，主食都有5個，包括南非鮑魚+阿拉斯加鱈場蟹+蘇格蘭蟶子王+匈牙利鴨肝+宮崎和牛厚/薄燒。我地先試呢個龍蝦刺身，龍蝦肉切開晒一嚿嚿，鮮味十足，口感有彈性，點小小豉油同wasabi食就啱啱好，寶係特別體驗，新鮮難忘！另外既呢個南非鮑魚就原隻上，絕不吝嗇，鮑魚香氣清淡，鮮味十足，肉厚帶嚼勁，好軟韌，食得出好細嫩，仲可以加啲檸檬汁去食，鮮味更加提升！另一主菜宮崎 A4 和牛我地就簡佐厚燒，每塊出黎真係幾厚，好似切開既牛扒件咁，牛肉夠晒粉嫩，好軟腍，牛味又香濃，口感味道都爆晒分呀！仲有新鮮即燒既西澳洲龍蝦都不得不提，食完龍蝦刺身再食呢個簡直係另一體驗，龍蝦肉燒完都唔會縮晒水，仲好大舊好彈牙，就咁食食到龍蝦肉既鮮味，點啲新醬味道就更有層次，好食到爆！而櫻花蝦和牛炒飯都係好好食，試完和牛厚燒再食呢個粒粒和牛炒飯又係另一口感，和牛粒都好嫩，油脂分布晒落炒飯度，同埋啲櫻花蝦一齊食，好咸香好正！