影片
更多
2017-08-13
5851 瀏覽
女友今日又想飲茶，所以我地揾左利苑試試佢，見到好似係米芝蓮一星，睇吓係咪咁勁。唔知幾時開始，飲茶飲茶，除左食物，我對茶樓既茶要求越黎越高。我地叫左壽眉，清得黎我覺得有少少花香，炎熱既夏天，飲佢好解渴。最緊要係佢好順滑，回甘，一啲都唔澀。叫左最基本定會叫既: 蝦餃、燒賣、鳳爪。。。# 蝦餃 ******** 細細粒，一籠四粒，個皮好煙un，入面啲蝦細細隻，夠鮮甜而且爽口彈牙。 食蝦餃最緊要點咩醬汁? 一定係辣油! 正。# 燒賣 ********都係細細粒好精緻，無肥肉，細鮮，質素好高，不過鍾意大大件有口感既朋友未必夠喉啦，因為真係有啲“的色”。# 流沙包 ********** 熱辣辣蒸出黎，極度流心! 好香濃既蛋黃奶皇未，我比10粒星佢都唔過份!# 叉燒包 ********平時我麻麻叉燒包，最驚入面啲叉燒多粉漿 / 太甜 / 肥肉。。。 利苑既叉燒包，完全無呢3大問題! 鬆軟既包， 入面係軟滑清甜既瘦叉燒，好好食! 結果，我地2個人食左兩籠叉燒包。。。。 (細細個架咋啲包， 一啲都唔誇張架)# 麻辣抄手 ***失望。無麻，亦唔夠辣，有少少酸既汁，個抄手入面有蝦，補返少少分數比佢。。。
唔知幾時開始，飲茶飲茶，除左食物，我對茶樓既茶要求越黎越高。我地叫左壽眉，清得黎我覺得有少少花香，炎熱既夏天，飲佢好解渴。最緊要係佢好順滑，回甘，一啲都唔澀。
叫左最基本定會叫既: 蝦餃、燒賣、鳳爪。。。
# 蝦餃 ********
細細粒，一籠四粒，個皮好煙un，入面啲蝦細細隻，夠鮮甜而且爽口彈牙。 食蝦餃最緊要點咩醬汁? 一定係辣油! 正。
# 燒賣 ********
都係細細粒好精緻，無肥肉，細鮮，質素好高，不過鍾意大大件有口感既朋友未必夠喉啦，因為真係有啲“的色”。
# 流沙包 **********
熱辣辣蒸出黎，極度流心! 好香濃既蛋黃奶皇未，我比10粒星佢都唔過份!
# 叉燒包 ********
平時我麻麻叉燒包，最驚入面啲叉燒多粉漿 / 太甜 / 肥肉。。。 利苑既叉燒包，完全無呢3大問題! 鬆軟既包， 入面係軟滑清甜既瘦叉燒，好好食! 結果，我地2個人食左兩籠叉燒包。。。。 (細細個架咋啲包， 一啲都唔誇張架)
# 麻辣抄手 ***
失望。無麻，亦唔夠辣，有少少酸既汁，個抄手入面有蝦，補返少少分數比佢。。。
# 鳳爪 ******
中規中矩， 個醬夠味，香濃，最緊要唔油! 最怕飲茶鳳爪碟底成擔油。佢呢個鳳爪碟底無乜油架，鳳爪可以再蒸冧少少，不過都不錯既。
# 奶皇千層糕 ********
正。 好鍾意佢個texture，好軟綿，但又有口感，中間有啲“沙沙地”既感覺，唔知你知唔知我講乜，係好特別架! 本身以為佢中間有奶皇好creamy，初初有啲失望，但係食落你係會鍾意呢種特別既質感架! 清清地，甜甜地，好正。
# 蜜汁燒排骨 *****
仲以為會好大碟，原來只有兩條骨，切左粒，略嫌不夠甜。。。。
飲完茶坐左好耐，環境幾好。不過兩點黎到，三點 last order ，無得慢慢再嗌多啲野食。 價錢，兩個人食左386蚊，都算貴貴地。
$386
426 瀏覽
2 讚好
0 留言
張貼
