惠 (已結業)

仲記得之前喺灣仔食嘢，周街都係嘢食！有好多唔同嘅茶餐廳，小菜館，糖水店，好多嘢都有得食！今次比我搵咗一間好出色好高水準嘅日式廚師發辦！❤️當係慶祝一下！入到去座位唔多，不過好舒適，最重點係食omakase一定要同廚師一齊坐，一路食一路講解先至食得過癮！整體來講菜式嘅食物質素都好高水準！特別鍾意呢度嘅生蠔同埋海膽！先講一講個生蠔，呢隻生蠔真係好大隻，成隻手板咁大隻！食生蠔可以分幾啖食真係好正，生蠔嘅肚位食落去嘅時候好creamy！而且裙邊亦都好有咬口！好正好新鮮！至於呢個海膽壽司一望到就已經覺得好正，係好新鮮好靚嘅顏色！擺入口嘅時候好鮮甜，呢個甜度可以話係我食過好好食嘅海膽之一！