影片
更多
2021-05-05
69 瀏覽
去唔到日本，想食好少少嘅日本嘢真係要試吓Omakase🤩朋友介紹尖沙咀漆咸圍既呢間豐 Sushi Yutaka好有水準，所有刺身由日本新鮮空運到港，重點係Omakase都可以外賣自取，仲要有優惠添！可以拎返屋企慢慢嘆。呢度嘅裝修好簡潔乾淨，而且圍晒透明膠版，感覺就算堂食都食得安心。今晚得我自己一個人食，所以就揀咗平目薄切12片同埋廚師發板壽司6件，安坐家中好好享受一下！先講平目薄切刺身，師傅現場即切，見到佢嘅刀工真係好犀利，厚薄適中，而且上面仲鋪咗好多蔥花同埋菊花碎，賣相好靚！師傅跟咗佢哋自家調製嘅日式魚生豉油、Wasabi同埋特製嘅醋汁，入口好鮮甜又爽口呀！不得不提佢哋所用嘅米飯全部都採用特A級北海道七星米，加上所有菜式都係堅持用日本直送「八神山」水烹煮，所以佢哋嘅米飯係特別香滑軟熟，加上壽司師傅即場手握既壽司飯食落口的確係特別有質感！吞拿魚漬壽司醃咗少少味既吞拿魚味道都幾特別𩶘魚壽司𩶘魚食落煙韌有咬口，淡淡甘甜味道帶子壽司帶子好大隻、好新鮮！好甜！甜蝦壽司好大隻既甜蝦，肉質爽口又彈牙！正赤貝壽司新鮮嘅赤貝肉質非常爽脆同埋鮮甜油甘魚壽司油甘魚行都係我嘅最愛，鍾意佢肉質爽得來但有少少油
朋友介紹尖沙咀漆咸圍既呢間豐 Sushi Yutaka好有水準，所有刺身由日本新鮮空運到港，重點係Omakase都可以外賣自取，仲要有優惠添！可以拎返屋企慢慢嘆。
呢度嘅裝修好簡潔乾淨，而且圍晒透明膠版，感覺就算堂食都食得安心。
今晚得我自己一個人食，所以就揀咗平目薄切12片同埋廚師發板壽司6件，安坐家中好好享受一下！
先講平目薄切刺身，師傅現場即切，見到佢嘅刀工真係好犀利，厚薄適中，而且上面仲鋪咗好多蔥花同埋菊花碎，賣相好靚！師傅跟咗佢哋自家調製嘅日式魚生豉油、Wasabi同埋特製嘅醋汁，入口好鮮甜又爽口呀！
不得不提佢哋所用嘅米飯全部都採用特A級北海道七星米，加上所有菜式都係堅持用日本直送「八神山」水烹煮，所以佢哋嘅米飯係特別香滑軟熟，加上壽司師傅即場手握既壽司飯食落口的確係特別有質感！
吞拿魚漬壽司
醃咗少少味既吞拿魚味道都幾特別
𩶘魚壽司
𩶘魚食落煙韌有咬口，淡淡甘甜味道
帶子壽司
帶子好大隻、好新鮮！好甜！
甜蝦壽司
好大隻既甜蝦，肉質爽口又彈牙！正
赤貝壽司
新鮮嘅赤貝肉質非常爽脆同埋鮮甜
油甘魚壽司
油甘魚行都係我嘅最愛，鍾意佢肉質爽得來但有少少油香！好滑呀！
果然係高水準之作，下次有機會一定會試埋堂食❤️
張貼
