浜焼き (已結業)

好朋友升職加薪請我食好野佢尤其是鍾意食日本菜上網見到呢間正評都幾多同左佢黎食呢度除咗單點之外仲有可以叫餐我哋叫咗個松二人前入面有晒沙律浜燒等等首先就嚟咗個蟹肉沙律啲蟹肉睇得出真係新鮮拆出黎嘅雪白色的啲菜亦都非常新鮮翠綠爽口跟住就係刺身有三文魚加拿大海膽赤貝等等刺身非常鮮甜尤其是加拿大海膽完全沒有苦澀味入口即溶非常creamy!呢度嘅Wasabi仲要係生磨嘅加埋醬油一齊食簡直係完美當然唔少得就食浜燒啦浜燒有蠔，帶子，龍蝦，鮑魚等等所有海鮮都係新鮮係個魚缸攞出黎由於我哋坐係吧台師傅會喺廚房度幫我地燒認真我從來都未食過咁好食嘅鮑魚同埋龍蝦鮑魚鮮甜而且有咬口龍蝦啲肉非常結實彈牙配上淡淡的燒烤味廚師仲要好細心咁幫我地起咗肉出嚟一絕跟住呢個係蟹蓋入邊嘅蟹膏同埋蟹肉混成嘅擺喺薯片度食非常得意口感又有趣又有香濃嘅蟹香味非常新鮮個炸雞都唔錯個皮唔會好厚， 雞肉亦都嫩滑不得不提佢個䄂子雪芭好好味非常清新唔會過甜質地亦都唔會太硬為今晚嘅晚餐畫上一個完美嘅句號