影片
更多
2021-08-01
4739 瀏覽
利苑一向食物都好有水準， 今次同一班朋友一齊慶祝生日諗住食好d, 即刻就諗起呢度。 先講佢嘅環境，高級中菜館嘅環境一定冇得輸，空間感十足， 而且整潔衛生， 絕對係食飯聚舊嘅好地方。 另外不得不讚佢嘅服務水準一樣咁高，侍應殷勤有禮, 上菜又快。 過橋象拔蚌 ( 龍蝦湯) 過橋象拔蚌顧名思義係有象拔蚌片喺裏面， 佢嘅象拔蚌片爽脆鮮味， 火喉較得剛剛好一啲都唔硬，配埋濃郁嘅龍蝦湯，真係可以飲幾碗。 露荀愉耳炒元貝， 元貝好鮮甜， 配埋新鮮露筍仲一d草青味都冇，而且好夠鑊氣。 上湯龍蝦伊麵， 好多地方都有上湯龍蝦伊麵食，但係佢嘅龍蝦除咗新鮮之外同上湯嘅味道亦都十分夾，而伊麵亦都吸收咗上湯同龍蝦嘅鮮味，十分好食。 蠔皇扣四頭鮑， 鵝掌炆到好淋入口即化，而且因為用鮑魚汁去淆製，所以鮮味十足。四頭鮑當然冇得輸 ，基本上淆煮鮑魚絕對係費時間同功夫，要好食同入味先唔會浪費咗隻靚鮑， 呢度絕對做到之餘仲要超水準。 片皮鴨二食， 冶味鍋巴炒鴨鬆， 脆卜卜嘅鍋巴上面配惹味嘅炒鴨鬆， 味道一流，口感豐富。 鄲關萬丈， 呢個名聽落好特別一開始唔知係咩，所以就問下侍應 佢哋好熱情咁介紹同推介，原來係一個菜上面有一個
過橋象拔蚌 ( 龍蝦湯) 過橋象拔蚌顧名思義係有象拔蚌片喺裏面， 佢嘅象拔蚌片爽脆鮮味， 火喉較得剛剛好一啲都唔硬，配埋濃郁嘅龍蝦湯，真係可以飲幾碗。
露荀愉耳炒元貝， 元貝好鮮甜， 配埋新鮮露筍仲一d草青味都冇，而且好夠鑊氣。
上湯龍蝦伊麵， 好多地方都有上湯龍蝦伊麵食，但係佢嘅龍蝦除咗新鮮之外同上湯嘅味道亦都十分夾，而伊麵亦都吸收咗上湯同龍蝦嘅鮮味，十分好食。
蠔皇扣四頭鮑， 鵝掌炆到好淋入口即化，而且因為用鮑魚汁去淆製，所以鮮味十足。四頭鮑當然冇得輸 ，基本上淆煮鮑魚絕對係費時間同功夫，要好食同入味先唔會浪費咗隻靚鮑， 呢度絕對做到之餘仲要超水準。
片皮鴨二食， 冶味鍋巴炒鴨鬆， 脆卜卜嘅鍋巴上面配惹味嘅炒鴨鬆， 味道一流，口感豐富。
鄲關萬丈， 呢個名聽落好特別一開始唔知係咩，所以就問下侍應 佢哋好熱情咁介紹同推介，原來係一個菜上面有一個去皮蕃茄仔， 而蕃茄仔就釀咗菇菌同白果， 絕對係手工菜， 師傅技術好好先煮到。
生日當然唔少得壽桃la, 可愛嘅壽桃配甜甜嘅蓮蓉, 絕對係一餐生日飯裏面最重要嘅主角。
最後又點少得甜品呢， 鮮果水晶球， 聽個名都好吸引，鮮甜嘅生果粒配透明果凍， 絕對係視覺同味覺嘅享受。
張貼
