啡寮 (已結業)

黎到長洲，一定要黎呢個非常文青嘅Coffee shop☕️最中意呢度嘅椰皇冰滴咖啡($48)，椰青水非常清甜，正好中和咗咖啡嘅苦澀。唔中意飲齋啡，但又唔想加奶以掩蓋咗咖啡豆香味嘅吃貨們，可以試一試呢個以椰皇香味代替糖嘅咖啡👍🏻至於另一杯長洲冰滴咖啡（$38），我個人幾中意冰滴咖啡，因為比起一般凍咖啡，冰滴咖啡嘅咖啡香唔會因爲冰溶化而變淡，而且呢度嘅咖啡微酸而帶回甘味，唔算太苦澀，好啱我口味。