影片
更多
2024-02-05
483 瀏覽
前排同先生去大阪冇食到串燒一直覺得遺憾，咁啱同同事講起佢屋企附近呢間串燒店質素極高，趁住Happy Friday過嚟撐枱腳。打開Menu就知道雞串燒係主打，圖文並茂非常細心，仲有唔少刁鑽稀有嘅部位。一坐低店員首先為我哋送上前菜，有三款漬物，特別鍾意漬蒜頭，入口微辣但冇蒜頭嘅辛味，口感爽脆，非常開胃。味醂魚干燒得好香，表面微焦，沾上加入七味粉嘅蛋黃醬更加香口滋味。雞腎爽口而唔會太韌，稍微加上少少鹽花已經好香口；雞頸肉入口皮香脂肪少，雞肉鮮甜而且飽滿多汁，絕對唔能夠錯過。五花腩肥瘦相間，香口得嚟唔會覺得好肥膩，加上自家醬料非常惹味，推薦！豚肉車厘茄卷燒到恰到好處，薄薄嘅豚肉片色澤金黃，灑上少量鹽同黑椒吊味，一咬落去外面微脆帶鹹香，內裡嘅車厘茄熱辣辣又好juicy，充滿驚喜！只能夠講師傅手勢好，平凡嘅食材都能夠帶出驚喜。雞橫膈膜來自三黃雞，係非常稀少嘅部位，入口多汁有咬口，略帶油脂但又唔會太肥膩，果然冇令人失望；小腿肉口感紮實而且肉味濃，外皮亦燒得香脆可口。雞湯烏冬嘅湯底非常濃郁，食得出冇加味精，係嗰種好純粹嘅濃雞湯味道，就咁配上少量昆布已經好滋味。最後當然唔少得甜品，燒菠蘿就食得多，呢個加
前排同先生去大阪冇食到串燒一直覺得遺憾，咁啱同同事講起佢屋企附近呢間串燒店質素極高，趁住Happy Friday過嚟撐枱腳。
打開Menu就知道雞串燒係主打，圖文並茂非常細心，仲有唔少刁鑽稀有嘅部位。
前菜
$20
53 瀏覽
0 讚好
0 留言
一坐低店員首先為我哋送上前菜，有三款漬物，特別鍾意漬蒜頭，入口微辣但冇蒜頭嘅辛味，口感爽脆，非常開胃。
味醂魚干
$68
56 瀏覽
0 讚好
0 留言
味醂魚干燒得好香，表面微焦，沾上加入七味粉嘅蛋黃醬更加香口滋味。
雞頸肉 $38 雞腎 $38
31 瀏覽
0 讚好
0 留言
雞腎爽口而唔會太韌，稍微加上少少鹽花已經好香口；雞頸肉入口皮香脂肪少，雞肉鮮甜而且飽滿多汁，絕對唔能夠錯過。
豚肉五花腩
$48
18 瀏覽
0 讚好
0 留言
五花腩肥瘦相間，香口得嚟唔會覺得好肥膩，加上自家醬料非常惹味，推薦！
豚肉車厘卷
$38
35 瀏覽
0 讚好
0 留言
豚肉車厘茄卷燒到恰到好處，薄薄嘅豚肉片色澤金黃，灑上少量鹽同黑椒吊味，一咬落去外面微脆帶鹹香，內裡嘅車厘茄熱辣辣又好juicy，充滿驚喜！只能夠講師傅手勢好，平凡嘅食材都能夠帶出驚喜。
雞橫膈膜 $42 雞小腿 $38
15 瀏覽
0 讚好
0 留言
雞橫膈膜來自三黃雞，係非常稀少嘅部位，入口多汁有咬口，略帶油脂但又唔會太肥膩，果然冇令人失望；小腿肉口感紮實而且肉味濃，外皮亦燒得香脆可口。
雞湯烏冬
$58
15 瀏覽
0 讚好
0 留言
雞湯烏冬嘅湯底非常濃郁，食得出冇加味精，係嗰種好純粹嘅濃雞湯味道，就咁配上少量昆布已經好滋味。
焦糖菠蘿
$38
14 瀏覽
0 讚好
0 留言
今晚同先生食得好盡興，食材新鮮加上師傅嘅巧手，上菜嘅時間亦掌握得啱啱好，令初次喺香港食日式燒鳥嘅我哋留低深刻嘅印象，推薦俾想享用高質燒鳥嘅朋友仔。
張貼
