武士料理

營業中

休息中

好耐冇食日本野，今日終於約到岀黎啦！首先黎個面豉湯暖下胃先，想講下隻碗仔都幾靚。武士之魂刺身盛，個刺身好靚仔好吸引，擺盤好靚，由高至低食過去，由爽口既赤貝開始，跟住係帶子，好清甜，仲加左柚子醋去提鮮。真鯛，係淡口魚，肉質脆彈。赤身，精瘦赤身，油脂不多，魚味重。中拖，顏色粉紅，魚油脂非常甘香。牡丹蝦，蝦肉爽得黎帶少少糊，蝦頭仲有濃郁蝦膏。海膽，有海水味又甘口。大拖，油脂比中拖更豐盛，，入口即溶。唐場炸雞拉麵，轉左血池地獄湯，好刺激，跟麵仲有幾件炸雞，好抵食。日本海膽流心忌廉餅，炸物非常岀色，海膽流心忌廉餅，裡面真係流心的，外面就脆口又唔會油淋淋。炸芝士年糕，芝士味夠濃郁。