合時小廚 (裝修中)

「合時」可以算係現今出名難訂位，但屬出品高質數嘅小菜館。地方不大，相信最多可以容納四十人左右，朋友預約半年，有幸今次帶埋我兩公婆一試，機會難得，即刻舉手報名😂合時位於筲箕灣道地舖，門口細少，裡面地方亦唔屬寬躺，但肯定呢類知名小菜館，肯定以熟客為主，當然我朋友都係😉我哋只有四人，作為新客嘅我，當然想試多幾樣野，所以我朋友預先訂好菜單，一埋位就可以食😍🔻杏汁豬肺湯真係唔好意思，一上枱香氣四溢，飲到一半先記得影相🤣，「合時」嘅做法冇完全將杏仁渣完全隔清，當你飲嘅時候仲會飲到少少，突顯杏汁香味👍🔻蠱草花鳳爪燉豬展湯非常足料，同豬肺湯一樣大碗，鮮甜美味，我哋每款叫一碗黎試，留肚食其他嘢🤣🔻百花炸釀蝦多士大大隻脹卜卜，底層多士香脆可口，上面全部都係蝦膠，成件食落口啖啖蝦膠肉，又唔油膩，非常香口，真係好食到不得了😍🔻古法焗釀蟹蓋同蝦多士一樣大大件脹卜卜，大量蟹肉同洋蔥及西芹粒等釀製而成，頂層再蓋上芝士焗熟，食落口蟹肉鮮味十足，好有滿足感🥰🔻香煎藕餅食埋呢件都真係有啲飽，件件都好大件，成件都係用蓮藕及豬肉刴成嘅肉餅，下次真係每人半件試吓就算😂🔻極品茶黃雞「合時」所有用雞入餚嘅菜式都係用新鮮雞，所以會有