如意冰室私房菜 (已結業)

黎到灣仔既如意冰室私房菜食晚餐，佢有兩層，我地今日就坐樓上，環境唔錯。佢呢度既小菜非常吸引，仲有好岩冬天食既小菜煲，好似有羊腩煲同雲吞雞煲咁，再加埋各種各樣既小菜，好難揀啊心大心細既我同朋友終於決定左揀沙窩雲吞雞，呢個煲係再跟埋一份小菜，我地就叫左西檸雞扒。喺啲菜未黎之前，侍應比左一人一碗番茄薯仔湯比我地。雖然係半隻雞，但係超大份啊！啲湯好清甜，送飯一流！個西檸雞超嫩滑，同時外面又炸得超鬆脆，加埋啲酸酸甜甜既汁，超開胃啊！另外，我地亦點左個黃金蝦，佢既鹹蛋黃係超多，絕對滿足到我呢個鹹蛋黃fans!最後，我地亦點左個薑汁芥蘭，同其他小菜一樣咁好味啊！埋單316蚊，都唔算貴，下次要試下個羊腩煲先。