富園冰室

營業中

休息中

wego mall喺馬鞍山近年新起嘅商場，老實講個商場真係冇乜嘢行，但我平均一個星期都會去一次，都係為咗食富園冰室。老實講佢唔係乜嘢神級滋味，但係就做到正宗茶餐廳嘅水準，講就好容易，但我想講出面好多茶餐廳，好似食垃圾一樣。起碼每一次嚟到，杯凍檸茶都係調得啱啱好，少甜每次都做到，茶味夠龍濃唔會太夾。今日午餐食咗豉椒味菜魷魚配白飯，好嘢未。豉椒味菜簡直係送飯一流，味道唔會太過濃烈，魷魚份量都幾多，亦都唔會太軔執底濃度適中，唔會杰撻撻一餅野，亦都唔會少到唔夠撈飯食。呢間餐廳每逢午市都要排隊，成個商場基本上最旺場就係佢，可想而知品質的確唔錯。