和氣食堂 (黃大仙中心南館)

營業中

休息中

想食高質日本菜，唔一定要去貴價既日本餐廳先食到。我同朋友去左一間位於黃大仙中心既日式餐廳，以街坊價就食到高級既日本菜。難怪餐廳長期都係咁多人。餐呢唔單止魚生正，仲有好多好味既沙律、小食、甜品等。我地點左個黑松露凍番茄沙律，番茄好fresh,配埋濃濃既黑松露醬，好正啊！仲有個好抵食牛油果芒果三文魚班㦸配雞翼薯條。班㦸既配搭好豐富，入面有好多料，又有我鐘意既芒果。薯條就係混左芝士粉，好，好惹味。我地點左一個熱食就係櫻花蝦鯛魚湯泡飯。上菜既時候，湯同飯係分開既，侍應會將啲湯倒入飯入面，個熱既石鍋碗會會熱到啲湯咋咋聲，好過癮！黎食日本野當然要叫魚生啦！我地點左3點刺身盛，入面有三樣野，包括三文魚、甜蝦同埋章紅魚薄切。全部都好鮮！最後，我地食左一個無得彈既宇治抹茶芭菲。唔單止有濃濃既抹茶雪糕，仲有蕨餅、小丸子、紅豆等，為呢一餐畫上完美句號。