影片
更多
2023-05-23
803 瀏覽
💁♀️💁♂️ 16/5/2023(Tue), Dinner🍽今晚💁♀️為食妙妙同💁♂️A先生去到旺角一間朋友介紹既Fine Dining餐廳🍽，餐廳位於旺角彌敦道，交通十分方便。入到餐廳內裡的氣氛好輕鬆好舒服🤩，枱同枱之間有足夠既空間👍，唔會坐得好迫。餐廳仲要無入坐限時，想食下飯、傾下計，都唔駛就住就住，岩晒同朋友聚會同約會拍拖食飯❤❤❤。而今晚我地order咗：🔆 CALAMARI炸魷魚鬚（$78）魷魚🦑鬚面層既脆漿炸得十分香脆，入面既魷魚🦑鬚則彈牙，面層有少少海苔粉，入口有魷魚鮮味連同海苔既味道，就咁食已經好夠味🤩🤩🤩。伴碟仲有一小碟沙律醬加少少七味粉，其實唔點都已經好好味，試試點少少就加返啲沙律醬既酸甜味道，又係一種食法👍👍👍。🔆 MOULES MARINIERES白酒忌廉汁煮青口 10隻（$88）青口都幾大隻，而且肉質飽滿，用上白酒忌廉汁去煮，青口煮得剛好，入口嫩滑，白酒忌廉汁雖然夠濃夠稠，但都無蓋過青口既海水味，最後我地再用埋餐前既意式香草包去點汁食，好滿足😋。🔆 BRUSCHETTA 普切塔番茄多士4片（$58）一片薄薄既法包🥖烘到香脆之後，再喺上面放上新鮮切出嚟碎蕃茄🍅、
💁♀️💁♂️ 16/5/2023(Tue), Dinner🍽
今晚💁♀️為食妙妙同💁♂️A先生去到旺角一間朋友介紹既Fine Dining餐廳🍽，餐廳位於旺角彌敦道，交通十分方便。入到餐廳內裡的氣氛好輕鬆好舒服🤩，枱同枱之間有足夠既空間👍，唔會坐得好迫。餐廳仲要無入坐限時，想食下飯、傾下計，都唔駛就住就住，岩晒同朋友聚會同約會拍拖食飯❤❤❤。
而今晚我地order咗：
🔆 CALAMARI炸魷魚鬚（$78）
魷魚🦑鬚面層既脆漿炸得十分香脆，入面既魷魚🦑鬚則彈牙，面層有少少海苔粉，入口有魷魚鮮味連同海苔既味道，就咁食已經好夠味🤩🤩🤩。伴碟仲有一小碟沙律醬加少少七味粉，其實唔點都已經好好味，試試點少少就加返啲沙律醬既酸甜味道，又係一種食法👍👍👍。
🔆 MOULES MARINIERES白酒忌廉汁煮青口 10隻（$88）
青口都幾大隻，而且肉質飽滿，用上白酒忌廉汁去煮，青口煮得剛好，入口嫩滑，白酒忌廉汁雖然夠濃夠稠，但都無蓋過青口既海水味，最後我地再用埋餐前既意式香草包去點汁食，好滿足😋。
🔆 BRUSCHETTA 普切塔番茄多士4片（$58）
一片薄薄既法包🥖烘到香脆之後，再喺上面放上新鮮切出嚟碎蕃茄🍅、檸檬🍋汁、橄欖🫒油、香草、意大利黑醋，入口蕃茄🍅味濃，而檸檬🍋汁就令到味道清新開胃。
🔆 PUMPKIN RISOTTO南瓜意大利飯（$118）
Risotto煮得粒粒分明，上枱時會即席刨一些芝士🧀️碎喺risotto既面，增添芝士既香氣。用上南瓜🎃味道較清甜，食多幾啖都唔會覺得膩。
🔆 CATCH OF THE DAY 時令鮮魚 WITH SICILAN COOKING STYLE 配西西里式煮法（時價）
今晚我地食既係紅鯛魚，份量都好大條。將香草🌿、檸檬🍋放入魚肚，再將條魚用先煎後焗既方法去製作，食落無咁油膩，亦都食到魚肉既細滑同原汁原味既魚鮮味。魚既上面有一層蕃茄🍅泡泡🫧，雖然睇落係白色，但入口估唔到蕃茄🍅味都幾濃。
上枱時負責人仲即場表演起骨，只不過係簡單三兩下手勢，就已經將條魚起好骨。墊底有啲西蘭花🥦等既蔬菜🥬，因為吸收咗魚汁既關係，亦都鮮甜好食，千期唔好錯過。
🔆 TIRAMISU意大利芝士餅（$78）
餐廳既Tiramisu係即叫即做既，Mascarpone芝士🧀️底，中間放浸過咖啡同Rum酒既手指餅，面層再加Mascarpone芝士🧀️。因為即做既關係，所以手指餅除咗有濕潤既口感之外，仍有部份係帶一點脆脆既口感，入口有脆有濕潤，酒味足夠，而且Madcarpone芝士🧀️打得好幼滑，食落唔會太甜。呢件Tiramisu既水準十分之高，記得要留肚食😋。
🔆 GOOSE ISLAND手工啤（$68）
來自美國既手工啤，入口清爽，配合今晚既食物都不錯。
🔆 TROPICAL DELIGHT（$68）
熱情果加芒果🥭味道既紅茶，上面有一層泡沫🫧，飲落有少少似啤酒泡咁細滑，味道唔太甜，熱情果味同茶味都好突出。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：9/🔟
👉🏻 餐廳特別將一啲前菜做成TAPAS既份量，岩晒我地呢啲眼濶肚窄既人，可以試多幾款唔怕太飽
👉🏻 服務好貼心，負責人每道菜式上枱時都會同我地介紹返，又會每道菜都換碟/換餐具，唔會令到唔同食物既味道混埋一齊
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車可考慮遠少少既MOKO🅿️或者朗豪坊🅿️
👉🏻 餐廳喺正彌敦道，旺角站A1出口就直達，但要留意大廈正門開喺快富街，有大量巴士、小巴線經過，十分方便
🔆🔆🔆🔆🔆🔆🔆🔆🔆🔆🔆🔆🔆
張貼
