影片
更多
2019-04-12
271 瀏覽
同Honey去咗駱駝漆大廈shopping，由頂樓一直街到去一樓就Feel到肚餓，剛剛喺一樓嘅樓梯口嘅位置見到有個大大嘅招牌寫住新蒸武門，睇落去就似係以蒸煮為題嘅食店，由於Honey鍾意食中餐，就同佢入去試吓。入到店內感覺好有私房菜嘅Feel，見到每一張枱都擺放咗中式嘅茶杯，職員安排我地咗枱比我地後，我望到杯內原來擺放咗菊花、桂園肉、山楂片、紅棗等嘅八寶茶配料，養生一流！睇咗一輪餐牌，小食點咗「香脆墨魚條」；肉類就點咗「香菇杞子北芪銀山焗雞」；海鮮就點咗「豉油王蝦」；菜就點咗「梅菜蒸菜心」，另外仲點咗兩個「是日燉湯-夏日佛跳牆」（我從來都唔知佛跳牆有分季節性，又識多樣野）Honey仲話想點多個蒸飯，好彩我截停佢，再叫埋真係飽到嘔。先上咗兩個燉湯-夏日佛跳牆，湯入面比想像中多配料，配料包括螺頭、蟲草花、冬瓜、冬菇、瘦肉、桂園肉等等嘅配料，個湯嘅味道好清甜，又唔會好油，啱哂我口味呢！跟住上咗個墨魚條，無諗過小食都會有咁多嘅份量，我以為得4條，呢一碟嘅份量以小食黎計，4-6人食都得呢！而且好香墨魚味之餘又彈牙，好味！到個豉油蝦登場，嘩...隻隻蝦都好大隻呢！豉油味好濃但又唔咸，好想問吓佢地用
入到店內感覺好有私房菜嘅Feel，見到每一張枱都擺放咗中式嘅茶杯，職員安排我地咗枱比我地後，我望到杯內原來擺放咗菊花、桂園肉、山楂片、紅棗等嘅八寶茶配料，養生一流！
睇咗一輪餐牌，小食點咗「香脆墨魚條」；肉類就點咗「香菇杞子北芪銀山焗雞」；海鮮就點咗「豉油王蝦」；菜就點咗「梅菜蒸菜心」，另外仲點咗兩個「是日燉湯-夏日佛跳牆」（我從來都唔知佛跳牆有分季節性，又識多樣野）Honey仲話想點多個蒸飯，好彩我截停佢，再叫埋真係飽到嘔。
先上咗兩個燉湯-夏日佛跳牆，湯入面比想像中多配料，配料包括螺頭、蟲草花、冬瓜、冬菇、瘦肉、桂園肉等等嘅配料，個湯嘅味道好清甜，又唔會好油，啱哂我口味呢！
跟住上咗個墨魚條，無諗過小食都會有咁多嘅份量，我以為得4條，呢一碟嘅份量以小食黎計，4-6人食都得呢！而且好香墨魚味之餘又彈牙，好味！
到個豉油蝦登場，嘩...隻隻蝦都好大隻呢！豉油味好濃但又唔咸，好想問吓佢地用咩牌子豉油呀！加上有D炸蒜喺面好香口，配飯食一流（可惜我個胃無咁大容量）
終於到我點嘅蒸雞登場，錫紙包住黎蒸，一打開就聞到好香蒸雞味，雞肉好滑，用金落及粉絲鋪底，兩者吸哂雞油香，好好味，呢個又係配飯食之選。
而個梅菜蒸菜心就無太大驚喜，但菜心都好鮮甜，最緊要係新鮮！
連埋加一每人都係$306，抵食。
張貼
