魚台外賣壽司 (已結業)

之前住沙田，搬左黎馬鞍山半年有多，環境交通都唔錯，唯一唔慣係成個馬鞍山都無咩好野食。早前係雜誌見到呢間魚台既創業報導，上黎openrice search吓，原來係新居附近開左分店，終於今晚收工去買黎試吓。最平既$4一件三文魚質素都唔錯，帶子夠大隻值得推介，兩款蝦都唔錯，北寄貝夠大塊。所有壽司即叫即做，感覺幾衛生，佢地自創既蝦天婦羅壽司，因為即炸，返到屋企都仲係微熱，脆卜卜。講左咁多好既，都有啲唔好既，好似係海膽同三文魚子就真係麻麻地，三文魚腩食唔出同三文魚有咩分別。另外就係等既時間，買完比左錢，拎住張單行去超市買啲野，返黎諗住攞得啦，點知個收銀既女仔應該比錯左我果份人地攞走左，要再等師傅做過一份比我，前後等左超過20分鐘，正常應該10分鐘OK。