唐記包點 (欣田街市)

營業中

休息中

中午諗唔到食乜，又唔想同人逼，諗起欣田有唐記點，外賣返屋企最啱。估唔到欣田的唐記，都幾多人排隊，好彩D阿姐勁快手，唔駛等好耐。基本上，去親唐記都會買鳯爪排骨飯，蒸菜肉包和煎餃子，水準保持一貫好味。排骨嫩滑，鳳爪很入味。 今次見$15三件香煎包點，試下牛肉包，韮菜包和蔥油餅，最好味係蔥油餅，脆脆地有葱香味。馬拉糕和缽仔糕都好味，軟棉棉和少少甜。豆漿一向都唔太甜，加上天氣熱，勁頸渴，所以買埋黑芝麻豆漿和奶茶，奶茶有驚喜喎，走冰的奶更容易嚐到奶香和茶味。最開心係唐記十分支持走塑，大家可以帶埋食物盒去買外賣，今次有D失策，忘記帶食物袋，下次帶埋就更好！