Just Eat (已結業)

高街，港大附近有間越式餐廳Just Eat，陪老闆睇完舖，順便吃晚飯。餐廳風格幾文青feel，感覺幾舒服，未到晚飯時間，客人唔多，呢個季節，越菜最啱食撈檬，我地點咗青蘋果柚子蝦沙律，越式雞，我同老闆分別要咗燒雞同燒牛肉撈檬，飲品要菠蘿冰和青檸梳打。青蘋果柚子蝦沙律清新開胃，有柚子肉、青蘋果、青瓜、腰果、紅蘿蔔絲同花生碎，柚子酸甜唔澀，大蝦手指咁大隻，爽口彈牙👍，越式雞同海南雞好相似，配三款醬料，雞肉去骨，爽滑唔肥，配越式辣汁最滋味😋檬粉大碗，燒雞撈檬雞肉帶香茅香味，燒牛肉醃得夠腍，好入味，比雞肉更出色，檬粉爽滑，撈埋花生碎、莞荽、蘿蔔絲、青瓜絲同酸甜汁，好食到…🤩🤩